Ol Sam 83:1-18

  • Wan prea we man i mekem taem i stap fesem ol enemi

    • “O God, yu no stap kwaet” (1)

    • Ol enemi oli olsem ol rabis gras we i stap rol olbaot (13)

    • Nem blong God hem i Jehova (18)

Wan miusik. Singsing blong Asaf.+ 83  O God, yu no stap kwaet.+ O Yu We Yu God, yu no satem maot blong yu,* mo yu stanap kwaet nomo olsem.   !Yu traem luk! Ol enemi blong yu oli stap singsingaot bigwan,+Olgeta we oli no laekem yu oli stap mekem hed blong olgeta.*   Oli stap trikim ol man blong yu, oli mekem plan blong spolem olgeta. Oli stap mekem plan agensem ol man blong yu we oli sas tumas.*   Oli se: “Yufala i kam, yumi go flatem olgeta blong oli no moa stap olsem wan nesen,+Blong ol man oli no moa tingbaot nem ya Isrel.”   Oli agri long wan plan finis,*Mo oli joen wanples* blong agensem yu,+   I gat olgeta long tent blong Edom mo laen blong Ismael, Moab+ mo ol Hegaraet,+   Gebal mo Amon+ mo Amalek,Filistia+ wetem ol man we oli stap long Taea.+   Asiria+ tu i joenem olgeta finis. Oli sapotem* ol boe blong Lot.+ (Selah)   Yu mekem long olgeta olsem we yu bin mekem long Midian,+Mo olsem we yu bin mekem long Siseraha mo Jabin long smol reva* blong Kison.+ 10  Oli flatemgud olgeta long Endoro.+ Mo oli kam olsem sitsit blong animol long graon. 11  Yu mekem ol haeman blong olgeta oli kam olsem Oreb mo Seheb,+Mo ol prins* blong olgeta oli kam olsem Sebaha mo Jalmuna,+ 12  From oli talem se: “I gud yumi holem graon we God i stap long hem, i blong yumi.” 13  God blong mi, plis yu mekem olgeta oli kam olsem ol rabis gras we win i blu long hem i stap rol olbaot,+Mo olsem stik blong wit we win i stap blu long hem i go. 14  Olsem wan faea i laet long dakbus i bonem fulwan,Mo olsem wan faea i bonem ol bigfala hil nao oli kam blak,+ 15  I gud yu sanem hariken blong yu, i ronem olgeta,+Mo yu mekem strong win blong yu i mekem olgeta oli fraet.+ 16  O Jehova, yu mekem we sem i kavremap gud* fes blong olgeta,Nao oli save lukaotem nem blong yu. 17  I gud oli sem mo oli fraet olwe. I gud ol man oli no ona long olgeta mo oli lus. 18  I gud olgeta man oli save se yu, we nem blong yu Jehova,+Yu nomo yu Hae God long fulwol.+

Ol futnot

NT: “yu no mas stap kwaet olsem.”
NT: “leftemap hed blong olgeta.”
PT: “ol man blong yu we yu stap haedem olgeta.”
PT: “Oli toktok tugeta wetem wan tingting.”
NT: “oli mekem wan kontrak.”
PT: “Oli kam olsem han blong.”
NT: “wadi.” Yu luk Diksonari.
NT: “lida.”
PT: “i fulap long.”