Go long ol haf insaed long hem

Go long lis blong ol haf

 KWESTIN 7

?Wanem Profet Tok i Talemaot Taem Blong Yumi?

“Bambae ol nesen oli faet agensem ol narafala nesen, mo ol kingdom oli faet agensem ol narafala kingdom . . . Be ol samting ya oli stat nomo blong ol trabol, i olsem we woman i stat blong harem bak blong hem i soa blong i bonem pikinini.”

Matiu 24:7, 8

“Plante giaman profet bambae oli girap mo lidim plante man oli go krangke. Mo from we fasin blong brekem loa i stap kam antap, lav blong plante moa man bambae i kam kolkol.”

Matiu 24:11, 12

“Taem yufala i harem se i gat ol faet mo yufala i harem nius blong ol faet, yufala i no mas fraet. Ol samting ya oli mas kamtru, be hemia i no en yet ya.”

Mak 13:7

“Bambae graon i seksek bigwan. Mo olbaot long wol bambae kakae i sot mo i gat ol strong sik. Mo ol man bambae oli luk plante samting we i mekem oli fraet, mo bambae i gat plante bigbigfala saen long heven.”

Luk 21:11

 “Long ol las dei, laef bambae i strong tumas mo bambae i had blong winim ol trabol. Bambae ol man oli tingbaot olgeta nomo, oli laekem mane tumas, oli tok flas, tingting blong olgeta i go antap tumas, oli tok nogud long ol narafala, oli no obei long papa mo mama blong olgeta, oli no gat tangkiu, mo oli no holemstrong long ol narafala, oli no gat lav, oli no save agri long wan tingting, oli spolem nem blong narafala, oli no save bos long tingting, oli wael olgeta, mo oli no laekem ol gudfala fasin. Bambae oli putum ol fren blong olgeta long han blong ol enemi, oli stronghed, oli flas gogo tingting blong olgeta i go antap tumas, oli laekem ol samting we oli save harem gud long hem, bitim we oli lavem God. Long fes blong ol man, bambae oli mekem olsem se oli ona long God, be oli no wantem paoa blong hem long laef blong olgeta.”

2 Timoti 3:1-5