Ol Sam 106:1-48

  • Ol man Isrel oli no gat tangkiu

    • Kwiktaem nomo oli fogetem ol samting we God i mekem (13)

    • Oli givim glori we God i sud kasem i go long wan bul (19, 20)

    • Oli no bilif long promes blong God (24)

    • Oli joen long wosip blong Bal (28)

    • Oli bonem ol pikinini olsem sakrefaes i go long ol dimon (37)

106  !Presem Jah!* Yufala i talem tangkiu long Jehova, from hem i gud,+Fasin blong hem blong lavem man oltaem i stap olwe.+   ?Hu i naf blong talemaot olgeta wok we i soemaot paoa blong Jehova,No i talemaot olgeta wok we ol man oli mas presem hem from?+   Olgeta we oli mekem samting folem jastis,We oltaem oli mekem samting we i stret, oli glad.+   O Jehova, taem yu kaen* long ol man blong yu, plis yu tingbaot mi.+ Yu yusum ol rod blong yu blong sevem man, blong lukaot gud long mi,   Blong mi save harem gud long ol gudfala fasin we yu soemaot long ol man we yu jusumaot,+Mo mi save glad wetem nesen blong yu,Mo mi save joen wetem ol samting we oli blong yu blong presem yu, we mi praod tumas from.*   Mifala i mekem sin olsem ol olfala blong mifala oli mekem,+Mifala i mekem i rong, mifala i mekem fasin we i nogud.+   Ol olfala blong mifala long Ijip, oli no gat tangkiu from* ol bigfala wok blong yu. Oli no moa tingbaot fasin blong yu blong lavem man oltaem we i bigwan tumas,Be oli rebel agensem yu long solwota, hemia long Red Si.+   Be hem i sevem olgeta from nem blong hem,+Blong mekem ol man oli save bigfala paoa blong hem.+   Hem i tok strong long Red Si, nao i drae,Hem i lidim olgeta oli wokbaot long botom blong Red Si, olsem we oli wokbaot krosem draeples.+ 10  Hem i sevem olgeta, i tekemaot olgeta long han blong ol man we oli stap agensem olgeta+Mo i tekembak olgeta long han blong ol enemi.+ 11  Wota i kavremap ol enemi blong olgeta,I no gat wan nating i laef i stap.*+ 12  Nao oli bilif long ol promes blong hem,+Mo oli stat blong singsing blong presem hem.+ 13  Be kwiktaem nomo oli fogetem ol samting we hem i mekem.+ Oli no wet long advaes blong hem. 14  Long draeples, oli stap mekem ol samting we olgeta nomo oli wantem.+ Oli traem God long draeples.+ 15  Hem i givim ol samting we oli askem,Be biaen hem i mekem wan sik i kasem olgeta we i spolemgud bodi* blong olgeta.+ 16  Long kamp blong olgeta, oli jalus long MosesMo long Eron,+ tabu man blong Jehova.+ 17  Nao graon i open bigwan, mo i solemdaon DatanMo i berem olgeta we oli hivap i stap wetem Abiram,+ 18  Wan faea i bonem grup blong olgeta,Wan faea i bonem ol man nogud.+ 19  Oli wokem wan smol buluk long Horeb,Mo oli bodaon long wan aedol.*+ 20  Oli sud givim glori long mi,Be oli girap oli givim long aedol blong wan bul we kakae blong hem gras nomo.+ 21  Oli fogetem God+ we i Sevia blong olgeta,We i mekem ol bigbigfala samting long Ijip,+ 22  Mo ol gudfala wok long graon blong Ham,+Mo ol samting blong sapraes long Red Si.+ 23  Hem i rere blong spolem olgeta,Be Moses, man we hem i jusumaot, i toktok blong jenisim tingting blong hem*Blong i no letem kros blong hem i spolem olgeta.+ 24  Biaen oli no wantem gudfala graon ya,+Oli no bilif long ol promes blong hem.+ 25  Oli gohed blong komplen insaed long ol tent blong olgeta,+Oli no lesin long voes blong Jehova.+ 26  Nao hem i leftemap han blong hem, i mekem wan strong promes long olgetaSe bambae hem i mekem olgeta oli folfoldaon olbaot long draeples.+ 27  Bambae hem i mekem ol laen blong olgeta, oli ded long ol narafala nesen,Mo bambae hem i mekem oli go stap wanwan olbaot long ol kantri ya.+ 28  Nao oli joen wetem olgeta blong wosipim* Bal blong Peoro,+Mo oli kakae ol sakrefaes we oli givim finis long olgeta we oli ded.* 29  Hem i kros tumas from ol fasin blong olgeta.+ Nao wan bigfala trabol i kasem olgeta.+ 30  Be taem Finehas i girap mo i tekem aksen agensem rabis fasin ya,Trabol ya i finis.+ 31  Mo God i luk hem olsem wan stret manMo olgeta jeneresen bambae oli tingbaot samting ya olwe.+ 32  Long springwota ya long Meriba,* oli mekem Hem i kros tumas,Mo samting we oli mekem, i pulum trabol i kam long Moses.+ 33  Oli mekem tingting blong hem i kam nogud,Nao hem i toktok we i no tingting gud fastaem.+ 34  Olgeta oli no kilim i ded ol man,+Olsem we Jehova i bin talem long olgeta.+ 35  Be oli go joen wetem ol man blong ol nesen+Mo oli tekem* ol fasin blong olgeta.+ 36  Oli gohed blong wosipim ol aedol blong olgeta,+Nao fasin ya i kam olsem wan trap blong olgeta.+ 37  Oli stap bonem ol boe mo ol gel blong olgetaOlsem sakrefaes i go long ol dimon.+ 38  Oli gohed blong mekem blad blong olgeta we oli no gat fol, i ron,+Hemia blad blong ol boe mo ol gel blong olgeta nomoWe oli stap givim olgeta olsem sakrefaes i go long ol aedol blong ples ya Kenan.+ Mo oli mekem ples ya i kam doti long blad blong ol man ya. 39  Olgeta oli kam doti from ol wok blong olgeta,Ol fasin we oli mekem blong lego God blong olgeta, i olsem fasin blong prostitut.+ 40  From samting ya, Jehova i letem kros blong hem i kasem ol man blong hem,Mo hem i no laekem nating ol samting we oli blong hem. 41  Hem i putum olgeta bakegen mo bakegen long han blong ol man blong ol narafala nesen,+Blong ol man we oli no laekem olgeta nating oli rul long olgeta.+ 42  Ol enemi blong olgeta oli mekem i strong long olgeta,Mo oli stap aninit long paoa* blong olgeta. 43  Plante taem hem i sevem olgeta,+Be oli rebel mo oli no obei,+Nao ol man oli daonem olgeta from ol rong blong olgeta.+ 44  Be hem i luk we oli harem nogud+Mo i harem olgeta, taem oli krae from help.+ 45  From olgeta, hem i tingbaot kontrak blong hem bakegen,Mo i sore long olgeta* from fasin blong hem blong lavem man oltaem, i bigwan tumas.+ 46  Hem i mekem ol man oli sore long olgetaHemia olgeta we oli holem olgeta oli stap kalabus.+ 47  O Jehova, God blong mifala, yu sevem mifala,+Mo yu tekemaot mifala long ol nesen i kam wanples+Blong mifala i save talem tangkiu long tabu nem blong yuMo blong mifala i glad, mifala i presem yu.+ 48  I gud olgeta man oli presem Jehova we i God blong IsrelOltaem gogo i no save finis.+ Mo i gud olgeta man oli se: “!Amen!”*!Presem Jah!*

Ol futnot

NT: “!Halelujah!” “Jah” hem i sot nem blong Jehova.
NT: “yu mekem i gud.”
NT: “mi stap tok flas from yu.”
NT: “oli no kasem save mining blong.”
NT: “i no gat wan nating i stap.”
NT: “sol.”
NT: “aedol we oli wokem long silva, gol, o kopa.”
PT: “i stanap long fored blong hem blong blokem hem.”
NT: “oli fasgud long.”
Hemia i save minim sakrefaes we oli givim finis long ol man we oli ded o long ol god we oli no gat laef.
Hemia i minim “Raorao.”
NT: “lanem.”
PT: “han.”
NT: “i rigret.”
NT: “!I mas olsem!”
NT: “!Halelujah!” “Jah” hem i sot nem blong Jehova.