Ol Sam 22:1-31
Long daerekta. Oli mas plei singsing ya folem “Dia* Blong Eli Moning.”* Singsing blong Deved.
22 God blong mi, God blong mi, ?from wanem yu lego mi?+?From wanem yu stap longwe tumas, yu no sevem mi,Mo yu stap longwe taem mi stap krae from mi harem nogud?+
2 God blong mi, long dei mi stap gohed blong singaot, be yu no ansa,+Mo long naet, mi no stap kwaet nating.
3 Be yu yu tabu,+Ol man Isrel oli stap raon long yu,* oli presem yu.
4 Ol papa blong mifala oli trastem yu.+
Oli trastem yu, mo yu yu gohed blong tekemaot olgeta long trabol.+
5 Oli krae i kam long yu, mo yu yu sevem olgeta,Oli trastem yu, nao oli no harem nogud.*+
6 Be naoia mi olsem wan wom, mi no wan man,Ol man oli stap jikim nogud mi,* mo oli stap lukluk nogud long mi.+
7 Evri man we oli luk mi, oli stap jikim mi,+Oli mekem fes i nogud mo oli saksakem hed from oli no glad, oli se+
8 “Hem i trastem Jehova. !I gud Hem i tekemaot hem long trabol!!I gud Hem i sevem hem, from we Hem i lavem hem tumas!”+
9 Yu nao yu tekemaot mi long bel blong mama blong mi,+Yu nao yu holem mi mi stap gud long titi blong mama blong mi.
10 Stat long dei we mi bon, oli putum mi long han blong yu blong yu kea long mi,*Stat taem mi stap long bel blong mama blong mi, yu yu God blong mi.
11 Yu no stap longwe tumas long mi, from we trabol i stap klosap finis+Mo i no gat wan narafala blong halpem mi.+
12 Plante yang bul oli stap raon long mi,+Ol strong bul blong Basan oli raonem mi.+
13 Oli openem maot blong olgeta bigwan blong agensem mi,+Olsem wan laeon we i stap singaot bigwan, i terterem kakae blong hem long ol smosmol pis.+
14 Oli kafsaedem mi olsem wota,Olgeta bun blong mi oli kamaot long joen blong olgeta.
Hat blong mi i kam olsem waks,+Hem i melt insaed long mi.+
15 Paoa blong mi i drae olgeta olsem wan pis graonpot.+
Tang blong mi i fas strong long gam blong mi.+
Yu yu sakem mi mi godaon long das we i blong ded.+
16 Ol dog oli raonem mi,+Oli kam oli blokem mi olsem wan grup blong ol rabis man,+Oli olsem laeon, oli stap klosap nomo long han mo leg blong mi.+
17 Mi mi save kaontem evri bun blong mi.+
Oli lukluk i kam, mo ae blong olgeta i stap nomo long mi.
18 Oli seraot ol klos blong mi long olgeta,Mo oli sakem ol spesel ston from klos blong mi.+
19 Be Jehova, plis yu no stap longwe long mi.+
Yu yu paoa blong mi, yu kam hariap yu halpem mi.+
20 Yu tekemaot mi* long naef blong faet,Yu tekemaot gudfala laef blong mi* long leg* blong ol dog.+
21 Yu tekemaot mi long maot blong laeon,+ mo long hon blong ol wael bul.
Yu ansa long mi mo yu sevem mi.
22 Bambae mi talemaot nem blong yu long ol brata blong mi,+Mo long medel blong kongregesen, bambae mi presem yu.+
23 !Yufala we i fraet* long Jehova, yufala i presem hem!!Ol pikinini* blong Jekob, yufala i leftemap hem!+!Ol pikinini* blong Isrel, yufala i stanap we yufala i sapraes mo fraet long hem tu!
24 From hem i no ting nating mo i no tanem baksaed long trabol we man i kasem, from narafala i spolem hem,+Hem i no haedem fes blong hem long hem.+
Taem hem i krae long hem blong i halpem hem, hem i harem hem.+
25 Long bigfala kongregesen, bambae mi presem yu,+Long fes blong olgeta we oli fraet* long hem, bambae mi mekem ol samting we mi promes blong mekem.
26 Ol man we oli gat tingting daon bambae oli kakae mo oli harem gud.+
Olgeta we oli stap lukaotem Jehova bambae oli presem hem.+
I gud yufala i enjoem laef* olwe.
27 Ol man long olgeta ples long wol bambae oli tingbaot, mo oli lukluk i go long Jehova.
Olgeta famle long ol nesen, bambae oli bodaon long fored blong yu.+
28 Hemia from we posisen blong king, i blong Jehova.+
Hem i stap rul long ol nesen.
29 Olgeta man long wol we oli stap wingud long laef,* bambae oli kakae mo oli bodaon,Olgeta we oli stap godaon long das, bambae oli nildaon long fored blong hem.
I no gat wan long olgeta i save sevem laef* blong olgeta.
30 Ol laen blong olgeta bambae oli* wok blong hem.
Ol jeneresen we bambae oli bon i kam, bambae ol man oli tokbaot Jehova long olgeta.
31 Bambae oli kam mo oli tokbaot stret fasin blong hem.
Bambae oli tokbaot ol samting we hem i mekem, long ol man we bambae oli bon afta.
Ol futnot
^ NT: “Woman Dia.”
^ Maet hem i wan tiun, no wan stael blong plei miusik.
^ NT: “Yu yu king long medel blong (antap long) ol man Isrel we.”
^ NT: “nao ol man oli no mekem olgeta oli sem.”
^ NT: “oli stap sakem nogud tok long mi.”
^ PT: “oli sakem mi antap long yu.”
^ NT: “sol blong mi.”
^ PT: “Mi gat wan laef nomo, yu tekemaot”
^ PT: “han.”
^ PT: “sid.”
^ PT: “sid.”
^ NT: “tinghevi.”
^ NT: “tinghevi.”
^ PT: “I gud hat blong yufala i laef.”
^ PT: “we oli fatfat.”
^ NT: “sol.”
^ PT: “Wan sid bambae i.”
