Go long ol haf insaed long hem

Go long lis blong ol haf

 B1

Mesej Blong Baebol

Jehova God i gat raet blong rul. Fasin blong rul blong hem i beswan. Stamba tingting blong hem long saed blong wol mo ol man bambae i kamtru.

Afta 4026 B.K.T.

“Snek” i kwestinim raet blong Jehova blong rul mo fasin blong hem blong rul. Jehova i promes blong givim wan “pikinini” o “sid” we bambae i smasem hed blong snek ya Setan. (Jenesis 3:​1-5, 15, futnot) Be Jehova i letem taem i pas blong ol man we oli stap aninit long paoa blong Setan, oli rulum olgeta bakegen.

1943 B.K.T.

Jehova i talem long Ebraham se “pikinini” ya bambae i kamaot biaen long hem.​​—Jenesis 22:⁠18.

Afta 1070 B.K.T.

Jehova i promes long King Deved mo long boe blong hem Solomon, se “pikinini” ya bambae i kamaot long famle laen blong tufala.​​—2 Samuel 7:​12, 16; 1 King 9:​3-5; Aesea 9:​6, 7.

29 K.T.

Jehova i talem se Jisas nao i “pikinini” ya we bambae i sidaon long tron blong Deved.​​—Galesia 3:​16; Luk 1:​31-​33; 3:21⁠, 22.

 33 K.T.

Snek ya Setan i givim kil long “pikinini” ya blong smoltaem taem i kilim Jisas i ded. Jehova i mekem Jisas i laef bakegen blong i go long heven, mo i akseptem praes blong laef blong hem we i stret gud olgeta. Nao God i save fogivim sin blong ol pikinini blong Adam, mo i save givim laef we i no save finis long olgeta.​​—Jenesis 3:​15; Ol Wok 2:​32-​36; 1 Korin 15:​21, 22.

Samwe 1914 K.T.

Jisas i slingim snek ya Setan i go long wol, blong i stap smoltaem bifo we i lus.​​—Revelesen 12:​7-9, 12.

Fiuja

Jisas i putum Setan long kalabus blong 1,000 yia, mo biaen i kilim hem i ded. Hemia i olsem we i smasem hed blong hem. Stamba tingting blong Jehova long saed blong wol mo ol man i kamtru, nem blong hem i kam tabu, mo hem i leftemap hae rul blong hem.​​—Revelesen 20:⁠1-3, 10; 21:⁠3, 4.