Ol Sam 85:1-13
Blong daerekta. Singsing blong ol boe blong Kora.+
85 O Jehova, yu yu kaen tumas long kantri ya blong yu,+Yu yu tekembak ol laen blong Jekob we oli bin go kalabus.+
2 Yu fogivim ol rong blong ol man blong yu,Yu fogivim* ol sin blong olgeta.+ (Selah)
3 Yu yu holembak bigfala kros blong yu,Yu tanem baksaed long kros blong yu.+
4 O God, sevia blong mifala, yu putumbak mifala,*Mo yu lego fasin ya we yu no moa glad long mifala.+
5 ?Bambae yu kros long mifala olwe?+?Bambae yu pulum kros blong yu kasem olgeta jeneresen we i kam?
6 ?Bambae yu no mekem mifala i strong bakegenBlong ol man blong yu oli save glad long yu?+
7 O Jehova, yu soemaot long mifala, fasin blong yu blong lavem man oltaem,+Mo yu mekem rod blong sevem mifala.
8 Bambae mi lesin long tok we tru God Jehova i talem,From bambae hem i tokbaot pis long ol man blong hem,+ hemia olgeta we oli holemstrong long hem,Be yu no letem olgeta oli gobak long fasin blong trastem olgeta bitim mak.+
9 Tru, rod blong hem blong sevem man, i stap klosap long olgeta we oli fraet* long hem,+Mekem se glori blong hem i save stap long kantri blong yumi.
10 Fasin blong lavem man oltaem mo fasin blong holemstrong, bambae tufala i mit wanples.
Stret fasin mo pis bambae tufala i kisim tufala.+
11 Fasin blong holemstrong bambae i kam bigwan long wol,Mo stret fasin bambae i stap long heven, i lukluk i kamdaon.+
12 Yes, Jehova bambae i givim ol gudfala samting,*+Mo graon blong yumi bambae i givim plante kakae.+
13 Stret fasin bambae i wokbaot long fored blong hem+Mo i mekem wan rod blong hem i wokbaot long hem.
