Ol Sam 39:1-13
Long daerekta. Blong Jedutun.*+ Singsing blong Deved.
39 Mi talem se: “Bambae mi lukaot gud taem mi wokbaotBlong mi no mekem sin long tang blong mi.+
Enitaem we wan man nogud i stap long fored blong miBambae mi blokem maot blong mi long strap blong blokem maot blong animol.”+
2 Mi no save toktok nating mo mi stap kwaet,+Mi stap kwaet nomo nating se mi save talem wan gudfala samting,Be mi harem nogud bitim mak.*
3 Hat blong mi i stap bon sloslo insaed long mi.*Taem mi gohed blong tingbaot,* faea ya i gohed blong laet.
Nao tang blong mi i toktok, i se:
4 “O Jehova, yu halpem mi blong save se en blong laef blong mi bambae i olsem wanem,Mo namba blong ol dei blong mi,+Nao mi save luksave se laef blong mi i sot nomo.*
5 I tru, yu yu mekem we ol dei blong mi oli smol nomo,*+Mo ol yia blong laef blong mi, i nating nomo long fes blong yu.+
Yes, nating se evri man oli ting se oli sefgud, be oli nating nomo olsem win blong maot.+ (Selah)
6 I tru, man i stap wokbaot olbaot olsem sado nomo.
Hem i stap ronron olbaot* blong nating nomo.
Hem i stap hivimap ol rij samting, be i no save se hu bambae i harem gud long olgeta.+
7 Sipos i olsem, O Jehova, ?mi save putum hop blong mi long wanem?Yu nomo yu hop blong mi.
8 Yu sevem mi, yu tekemaot mi long ol rong blong mi.+
Yu no letem krangke man i luk mi olsem wan samting we i nating nomo.
9 Mi no toktok yet,Mi no save openem maot blong mi,+From we yu nao yu mekem samting ya.+
10 Yu tekemaot trabol we yu mekem long mi.
Mi mi slak olgeta from han blong yu i stap kilim mi.
11 Yu stap panisim man from ol mastik blong hem blong stretem hem,+Yu spolem evri samting we hem i tinghae long olgeta, stret olsem we bebet* i mekem.
Yes, evri man oli nating nomo, oli olsem smol win nomo we i kamaot long maot.+ (Selah)
12 O Jehova, yu harem prea blong mi,Yu lesin taem mi krae from help.+
Yu no ting nating long wota blong ae blong mi.
From long lukluk blong yu, mi mi stap ya olsem wan man blong narafala kantri,+Wan man we i stap travel olbaot i kam pas i go,* stret olsem ol olfala blong mi bifo.+
13 Yu no stap lukluk strong long mi olsem, yu tanem fes blong yu i gowe long mi, blong mi save harem gud smol,Bifo we mi ded, mi no moa stap long ples ya.”
Ol futnot
^ NT: “soa we mi harem i kam strong moa.”
^ PT: “hat blong mi i stap kam hot moa.”
^ NT: “taem mi stap harem nogud.”
^ NT: “mi luksave se mi olsem wan samting we i laef smoltaem nomo.”
^ PT: “i sot olsem saes blong fo finga.”
^ PT: “i stap mekem noes.”
^ PT: “mot.” Hemia wan bebet we i luk olsem bataflae.
^ NT: “Wan man kam.”
