Ol Sam 49:1-20
Long daerekta. Singsing blong ol boe blong Kora.+
49 Olgeta man long evri ples, yufala i harem samting ya.
Olgeta man long wol,* yufala i lesin gud,
2 Yes evri man, smol mo bigwan,*Rijman mo puaman.
3 Maot blong mi bambae i talemaot waestok,Mo ol samting we mi tingting dip long hem long hat blong mi,+ bambae oli soem se mi kasemsave samting.
4 Bambae mi tingting gud long wan proveb,Bambae mi plei hap blong eksplenem ridel blong mi.
5 ?From wanem mi mas fraet long taem blong trabol,+Taem mi stap long medel blong ol rabis fasin* blong olgeta we oli stap traem blong kilim mi?
6 Olgeta we oli stap trastem ol gudfala samting blong olgeta+Mo oli stap tok flas from ol rij samting blong olgeta,+
7 I no gat wan long olgeta i save pembak wan brataNo i givim wan ransom* long God from hem,+
8 (Ransom we i praes blong* laef* blong olgeta, i sas tumasI bitim eni samting we oli save givim),
9 Blong hem i mas laef olwe mo i no luk hol.*+
10 Hem i stap luk se ol waes man tu oli ded,Man we i stupid mo man we i no stap yusum hed, tufala tugeta i lus,+Mo oli mas livim ol gudfala samting blong olgeta long ol narafala man.+
11 Long hat blong olgeta, oli wantem se haos blong olgeta bambae i stap olwe,Mo tent blong olgeta bambae i stap olwe long olgeta jeneresen we i kam.
Oli putum nem blong olgeta long ol graon blong olgeta.
12 Be man, nating se hem i kasem ona, bambae hem i no stap olwe.+
Hem i no hae moa long ol animol, tufala tugeta i save ded.+
13 Hemia nao rod blong ol stupid man+Mo blong olgeta we oli stap biaenem olgeta, from oli glad long ol tok blong olgeta we i nating nomo. (Selah)
14 Oli sanem olgeta finis olsem ol sipsip i go long Gref.*Ded bambae i lukaot long olgeta olsem man blong lukaot long sipsip.
Long moning, ol stret man bambae oli rul antap long olgeta.+
Evri samting long saed blong olgeta, bambae i lus sloslo.+
Gref*+ bambae i hom blong olgeta, be i no pales.+
15 Be God bambae i tekemaot mi* long paoa* blong Gref,*+From bambae hem i holem mi mi stap gud. (Selah)
16 Yu no mas fraet from we wan man i stap kam rij,Mo from ol gudgudfala samting long haos blong hem oli stap kam plante moa,
17 From taem hem i ded, hem i no save tekem wan samting nating wetem hem,+Ol gudgudfala samting blong hem bambae oli no godaon wetem hem.+
18 From we taem hem i laef i stap, hem i stap talem ol gudfala toktok long hem* wan.+
(Ol man oli presem yu taem yu win gud long laef.)+
19 Be biaen hem i go joenem jeneresen blong ol olfala blong hem.
Bambae oli neva luk laet bakegen.
20 Man we i no kasemsave samting ya, nating se hem i kasem ona,+Hem i no hae moa long ol animol, tufala tugeta i save ded.
