Ol Sam 2:1-12

  • Jehova mo man we hem i makemaot

    • Jehova i laf long ol nesen (4)

    • Jehova i putumap king blong hem (6)

    • Ona long pikinini ya (12)

2  ?From wanem ol nesen oli wari tumas,Mo ol man oli stap tok smosmol* from samting we i blong nating nomo?+   Ol king blong wol oli stanap rereMo ol haeman oli kam joen wanples* olsem wan grup,+Agensem Jehova mo agensem man ya blong hem we hem i makemaot.*+   Oli talem se: “!I gud yumi brekemaot ol jen we oli fasem yumi long hemMo yumi sakemaot ol rop we oli fasem yumi long hem!”   Man ya we oli putumap hem finis i king long heven bambae i laf,Jehova bambae i tok daonem olgeta.   Long taem ya, bambae hem i tok long olgeta from hem i krosMo kros blong hem bambae i olsem faea, i mekem olgeta oli fraet,   Hem i se: “Mi wan nomo mi putumap king blong mi+Long Saeon,+ bigfala hil blong mi we i tabu.”   I gud mi talemaot desisen blong Jehova,Hem i talem long mi se: “Yu yu pikinini blong mi,+Tede mi mi kam papa blong yu.+   Yu askem long mi, mo bambae mi givim ol nesen blong yu holem oli blong yuMo ol laswan ples long wol olsem graon blong yu.+   Bambae yu brebrekem olgeta long wan aean septa,*+Mo bambae yu smasem olgeta oli kam ol smosmol pis graonpot.”+ 10  Taswe ol king, naoia yufala i mas soemaot se yufala i gat hed. Ol jaj blong wol, yufala i mas akseptem we man i stretem* yufala. 11  Yufala i wok blong Jehova, we yufala i fraet* long hem. Mo yufala i glad mo yufala i mas seksek tu. 12  Yufala i ona* long pikinini ya,+ sipos no, God* bambae i kros,Nao bambae yufala i lus nomo long rod ya,+From we kros blong Hem i olsem faea we i laet kwiktaem nomo. Olgeta we oli glad, hemia olgeta we stap go long Hem blong haed.

Ol futnot

NT: “oli stap tingting dip.”
NT: “oli kam tugeta blong kasem advaes.”
NT: “agensem Kraes blong hem.”
Yu luk Diksonari.
NT: “i givim woning long.”
NT: “tinghevi.”
PT: “kis.”
PT: “hem.”