Ol Sam 92:1-15
Wan miusik. Wan singsing blong Sabat dei.
92 I gud tumas blong talem tangkiu long Jehova+Mo blong singim ol sing blong presem* nem blong yu, O Hae God,
2 Blong talemaot evri moning, fasin blong yu blong lavem man oltaem+Mo blong talemaot evri naet, fasin blong yu blong holem promes,
3 We mi yusum wan instramen we i gat ten string mo lut,*Mo hap blong mekem gudfala miusik.+
4 From yu, O Jehova, yu mekem mi mi glad tumas from ol wok blong yu,Mo from ol wok blong han blong yu, mi mi singaot from glad.
5 !O Jehova, ol wok blong yu oli bigwan tumas!+!Ol tingting blong yu oli dip we oli dip!+
6 Man we i no gat hed, neva bambae hem i save,Mo man we i krangke, bambae hem i no kasemsave samting ya+
7 Taem ol man nogud oli gru kwik olsem ol rabis grasMo olgeta man we oli stap mekem ol fasin nogud, oli stap wingud,Hemia from we bambae yu spolem olgeta blong olwe.+
8 Be yu Jehova, ol man oli stap leftemap yu olwe.
9 O Jehova, yu luk ol enemi blong yu we oli lus long faet,Yu luk olsem wanem ol enemi blong yu bambae oli lus.
Olgeta man we oli stap mekem rabis fasin, bambae oli go wanwan.+
10 Be yu bambae yu mekem mi gat paoa olsem* wael bul.
Bambae mi rabem oel long skin blong mi blong mi harem gud.+
11 Ae blong mi bambae i luk we ol enemi blong mi oli lus,+Sora blong mi bambae i harem nius se ol rabis man we oli faet agensem mi, oli lus.
12 Be stret man bambae i gru gud olsem wan pamtriMo bambae i gru i kam bigwan olsem wan sida long Lebanon.+
13 Oli planem olgeta insaed long haos blong Jehova,Oli gru gud insaed long ol yad blong God blong yumi.+
14 Nating se oli kam olfala,* bambae oli gohed yet blong karem frut,+Bambae oli strong gud nomo i stap* mo oli grin oltaem,+
15 Oli stap talemaot se Jehova i mekem i stret,Hem i Bigfala Ston blong mi,+ we i no gat wan samting nating long hem we i no stret.
Ol futnot
^ NT: “plei miusik blong presem.”
^ Hemia wan instramen blong miusik we i olsem gita be hem i gat tri string nomo.
^ PT: “yu leftemap hon blong mi olsem blong.”
^ NT: “se hea blong olgeta i waet.”
^ PT: “oli fatfat gud yet i stap.”
