Ol Sam 114:1-8

  • Tekemaot Isrel long Ijip

    • Solwota i ronwe (5)

    • Ol bigfala hil oli jamjam olbaot olsem ol man sipsip (6)

    • Springwota i kamaot long bigfala ston we i gat flin long hem (8)

114  Taem Isrel i aot long Ijip,+Hemia olgeta long haos blong Jekob, we oli aot long ol man we oli stap toktok lanwis blong wan narafala kantri,   Juda i kam tabu ples* blong God,Mo Isrel i ples we hem i rul long hem.+   Solwota i luk, nao i ronwe.+ Jodan Reva tu i tanemraon, i gobak.+   Ol bigfala hil oli stap jamjam olbaot olsem ol man sipsip,+Mo ol hil, oli stap jamjam olbaot olsem ol smol sipsip.   O solwota, ?wanem i mekem se yu ronwe?+O Jodan Reva, ?from wanem yu tanemraon yu gobak?+   Ol bigfala hil, ?from wanem yufala i stap jamjam olbaot olsem ol man sipsip?Ol hil, ?from wanem yufala i stap jamjam olbaot olsem ol smol sipsip?   Wol, i gud yu seksek from samting we Masta i mekem,Mo from samting we God blong Jekob i mekem.+   Hem nao i mekem se bigfala ston i kam pul blong wota,Mo i mekem springwota i kamaot long bigfala ston we i gat flin long hem.+

Ol futnot

NT: “holi ples.”