Ol Sam 74:1-23

  • Wan prea blong God i tingbaot ol man blong hem

    • Oli tingbaot bakegen ol wok we God i mekem blong sevem ol man (12-17)

    • “Yu tingbaot ol rabis tok we ol enemi oli stap talem” (18)

Maskil.* Singsing blong Asaf.+ 74  O God, ?from wanem yu lego mifala olwe?+?From wanem kros blong yu i kasem ol sipsip ya long graon blong yu, olsem we faea i bonem* olgeta?+   Plis yu tingbaot ol man ya* we yu tekemaot olgeta bifo se oli blong yu,+Hemia traeb we yu pemaot olgeta oli kam ol man blong yu.+ Plis yu tingbaot Hil Ya Saeon, we yu stap long hem bifo.+   Yu wokbaot i go long ples ya we bambae i stap nogud olwe.+ Ol enemi oli spolem finis evri samting we i stap long holi ples.+   Ol enemi blong yu oli stap singaot bigwan insaed long ples blong miting blong yu.*+ Oli stanemap ol saen blong olgeta long ples ya.   Oli olsem ol man we oli stap katem dakbus, long akis blong olgeta.   Oli brebrekem ol pija insaed long hem,+ long ol akis mo long ol longlongfala aean.   Oli putum faea long tabu ples ya blong yu.+ Oli sakem doti long tabenakel* we i karem nem blong yu, oli flatemgud long graon.   Olgeta wetem ol pikinini blong olgeta oli stap tingting se:“Yumi mas bonem olgeta ples blong miting blong God long ples ya.”*   I no gat wan saen we mifala i save luk. I no moa gat wan profet i stap,Mo i no gat wan long mifala i save se samting ya bambae i stap kasem wetaem. 10  O God, ?bambae ol enemi oli stap tok nogud olsem kasem wetaem?+?Bambae ol enemi oli no soem respek long nem blong yu olwe?+ 11  ?From wanem yu holembak han blong yu, hemia raethan blong yu?+Yu pusum i kam mo yu finisim gud olgeta. 12  Be God i King blong mi longtaem finis i kam,Hem nao i stap mekem ol samting blong sevem man long wol.+ 13  Yu mekem solwota i raf we i raf, long paoa blong yu nomo,+Yu smasem hed blong ol bigfala animol blong solwota, long ol wota, 14  Yu smasem ol hed blong Leviatan,*Mo yu givim olsem kakae long ol man, hemia olgeta we oli stap long ol draeples. 15  Yu yu openem ples we ol springwota mo ol wota oli kamaot long hem.+ Yu mekem ol reva we oli stap ron oltaem, oli kam drae.+ 16  Dei i blong yu, mo naet tu. Yu yu mekem laet* mo san.+ 17  Yu yu makem olgeta boda blong wol.+ Mo yu mekem hot taem mo koltaem.+ 18  O Jehova, yu tingbaot ol rabis tok we ol enemi oli stap talem,Ol krangke man ya oli no respektem nem blong yu nating.+ 19  Yu no letem laef* blong ol sotleg blong yu, i go long ol wael animol. Yu no fogetem laef blong ol man blong yu olwe, hemia ol man blong yu we oli stap harem nogud. 20  Plis yu tingbaot kontrak,From ol dak ples long wol, naoia oli kam ol ples blong faet. 21  I gud man we i kasem trabol, i no gobak we tingting i foldaon olgeta.+ I gud man we i no gat nem mo puaman, i presem nem blong yu.+ 22  O God, yu girap, mo yu toktok from kot kes blong yu. Yu mas tingbaot we ol krangke man oli tok nogud long yu fuldei.+ 23  Yu no fogetem ol tok we ol enemi blong yu oli stap talem. Noes blong olgeta we oli agensem yu i stap go antap oltaem.

Ol futnot

Yu luk Diksonari.
PT: “smokem.”
PT: “asembli blong yu.”
NT: “blong asembli blong yu.”
Yu luk Diksonari.
NT: “olgeta ples we ol man oli go long hem blong wosipim God.”
Yu luk Diksonari.
NT: “ol laet long skae.”
NT: “sol.”