Ol Sam 111:1-10
111 !Presem Jah!*+
א [Aleph]
Bambae mi presem Jehova long fulhat blong mi+
ב [Beth]
Long medel blong ol stret man we oli hivap wanples mo long kongregesen.
ג [Gimel]
2 Ol wok blong Jehova oli bigwan tumas,+ד [Daleth]
Ol man we oli glad long olgeta, oli stap stadi gud long olgeta.+
ה [He]
3 Olgeta wok blong hem oli nambawan tumas mo oli naes tumas,ו [Waw]
Mo stret fasin blong hem i stap olwe.+
ז [Zayin]
4 Hem i mekem ol man oli tingbaot ol gudfala wok blong hem oltaem.+
ח [Heth]
Jehova i kaen mo i gat sore.+
ט [Teth]
5 Hem i stap givim kakae long olgeta we oli fraet* long hem.+
י [Yod]
Hem i tingbaot kontrak blong hem olwe.+
כ [Kaph]
6 Hem i mekem ol man blong hem oli luk ol wok we i soemaot paoa blong hem
ל [Lamed]
Taem hem i givim graon blong ol narafala nesen long olgeta.+
מ [Mem]
7 Ol wok blong han blong hem oli folem trutok mo jastis.+
נ [Nun]
Man i save trastem olgeta oda blong hem.+
ס [Samekh]
8 Man i save dipen long olgeta oltaem,* naoia mo blong olwe,ע [Ayin]
Mo oli wokem long trutok mo stret fasin.+
פ [Pe]
9 Hem i mekem ol man blong hem oli fri finis.+
צ [Tsade]
Hem i talem finis se kontrak blong hem bambae i mas stap olwe.
ק [Qoph]
Nem blong hem i tabu mo i gud tumas.+
ר [Resh]
10 Fasin blong fraet* long Jehova hem i stat blong waes.+
ש [Sin]
Olgeta we oli stap folem ol oda blong hem,* oli soemaot se oli gat hed.+
ת [Taw]
Ol man oli presem hem olwe.
Ol futnot
^ NT: “!Halelujah!” “Jah” hem i sot nem blong Jehova.
^ NT: “tinghevi.”
^ NT: “Ol tok ya oli stap strong.”
^ NT: “tinghevi.”
^ PT: “folem olgeta.”
