Ol Sam 71:1-24

  • Strong tingting blong ol olfala

    • Trastem God stat taem oli yangfala (5)

    • “Taem mi no moa strong” (9)

    • ‘God i tijim mi stat taem mi yangfala nomo’ (17)

71  O Jehova, oltaem mi mi go long yu blong haed. I gud sipos man i neva mekem mi mi sem.+   Long stret fasin blong yu, yu sevem mi mo yu tekemaot mi. Yu pusum sora blong yu i kam* long mi, mo yu sevem mi.+   I gud yu kam wan bigfala ston we i save protektem miWe mi save go haed long hem enitaem. Yu givim oda blong oli sevem mi,From yu yu bigfala ston blong mi mo yu strong ples blong haed blong mi.+   God blong mi, plis yu tekemaot mi long han blong ol man nogud,+Mo long ol man ya we oli holemtaet mi, oli stap tritim nogud mi.   O Hae Masta Jehova, yu yu hop blong mi. I stat taem mi yangfala nomo, mi stap trastem yu.*+   Mi dipen long yu stat taem mi bon,Yu nao yu tekemaot mi long bel blong mama blong mi.+ Mi presem yu oltaem.   Long lukluk blong plante man, mi mi olsem wan merikel,Be yu yu strong sefples blong mi.   Maot blong mi i fulap long ol toktok blong presem yu.+ Long fuldei mi stap tokbaot ol samting we i flasem gud yu.   Plis yu no tanem baksaed long mi taem mi kam olfala.+ Yu no lego mi taem mi no moa strong.+ 10  Ol enemi blong mi oli stap tok agensem mi,Mo olgeta we oli stap lukaot mi blong tekemaot laef* blong mi, oli mekem wan plan tugeta,+ 11  Oli se: “God i lego hem finis. Yumi biaenem hem mo yumi holem hem, from i no gat man blong sevem hem.”+ 12  O God, plis yu no stap stanap longwe long mi olsem. God blong mi, plis yu kam hariap blong halpem mi.+ 13  I gud olgeta we oli stap blokem mi,*Oli sem mo oli lus.+ I gud olgeta we oli stap traehad blong mekem trabol long miOli sem mo ol man oli no ona long olgeta.+ 14  Be mi, bambae mi gohed blong wet,Bambae mi presem yu moa. 15  Maot blong mi bambae i talemaot bakegen stret fasin blong yu,+Mo fuldei, bambae mi tokbaot ol wok blong yu blong sevem man,Nating se oli plante tumas blong mi kasemsave olgeta.*+ 16  Hae Masta Jehova,Bambae mi kam mo tokbaot ol wok we i soemaot paoa blong yu,Bambae mi talemaot stret fasin blong yu, yes blong yu nomo. 17  O God, yu yu tijim mi stat taem mi yangfala nomo,+Mo kam kasem naoia, mi stap gohed blong tokbaot ol gudgudfala wok blong yu.+ 18  O God, taem mi kam olfala mo hea blong mi i waet, plis yu no lego mi.+ Yu letem mi mi tokbaot paoa* blong yu long nekis jeneresenMo yu letem mi mi tokbaot ol bigfala wok blong yu, long olgeta we bambae oli kam yet.+ 19  O God, stret fasin blong yu i go kasem antap olgeta,+Yu yu mekem ol bigbigfala samting,O God, ?hu i olsem yu?+ 20  Nating se yu mekem mi harem nogud long plante samting, mo trabol,+Be plis yu givim paoa long mi bakegen. Yu tekemaot mi long ol dip ples* long wol.+ 21  I gud yu mekem nem blong mi i kam hae moaMo yu protektem mi mo yu mekem mi mi harem gud bakegen. 22  Nao bambae mi presem yu long ol instramen we i gat stringFrom we yu, God blong mi, yu holem promes blong yu oltaem.+ O Tabu God Blong Isrel,Bambae mi plei long hap mi singim ol sing blong presem yu.* 23  Taem mi stap singim ol sing blong presem yu, bambae maot blong mi i singaot from i glad,+From yu yu sevem laef blong mi.*+ 24  Tang blong mi bambae i tokbaot* stret fasin blong yu fuldei,+From olgeta we oli lukaot rod blong spolem mi, bambae oli sem mo bambae ol man oli no ona long olgeta.+

Ol futnot

NT: “yu bendaon, yu lesin.”
NT: “yu nao we mi stap putum tingting blong mi long yu.”
NT: “sol.”
NT: “sol blong mi.”
NT: “plante tumas blong mi kaontem.”
PT: “han.”
NT: “long wota.”
NT: “plei miusik blong presem yu.”
NT: “yu yu pembak sol blong mi.”
NT: “tingting dip long.”