Ol Sam 16:1-11

  • Jehova i stamba blong ol gudfala samting

    • “Jehova i olsem evri samting we mi gat” (5)

    • ‘Ol tingting blong mi oli stretem mi long naet’ (7)

    • ‘Jehova i stap long raethan blong mi’ (8)

    • “Bambae yu no livim mi mi stap long Gref” (10)

Wan miktam* blong Deved. 16  O God, yu protektem mi, from we mi mi stap kam long yu blong haed.+   Mi mi talem long Jehova se: “Yu yu Jehova, yu yu Stamba blong ol gudfala samting blong mi.   Mo ol tabu man long wol,Hemia ol haeman, oli mekem mi mi glad tumas.”+   Olgeta we oli stap ron biaen long ol narafala god, oli mekem olgeta nomo oli harem nogud moa.+ Bambae mi neva kafsaedem blad we i olsem ol dring ofring i go long olgeta,Mo lips blong mi bambae i neva talem nem blong olgeta.+   Jehova i olsem evri samting we mi gat, i olsem samting we oli makemaot se i blong mi,+ mo i olsem kap blong mi.+ Yu yu stap lukaot gud long ol samting we oli putumgud i stap se i blong mi.   Oli makemaot finis ol ples we oli gud tumas se i blong mi. Yes, mi mi glad long olting blong mi.+   Bambae mi presem Jehova we i stap givim advaes long mi.+ Long naet tu, ol tingting blong mi we oli haed,* oli stap stretem mi.+   Jehova i stap oltaem long tingting blong mi.+ From we hem i stap long raethan blong mi, bambae mi no save seksek.*+   Taswe, hat blong mi i glad tumas, ful bodi blong mi* i harem gud. Mo mi stap long ples we i* sefgud. 10  From bambae yu no livim mi mi* stap long Gref.*+ Bambae yu no letem bodi blong man we i holemstrong long yu, i luk hol.*+ 11  Yu yu mekem mi mi save rod blong laef.+ Long fored blong yu,* i gat bigfala glad,+Glad* i stap oltaem long raethan blong yu.

Ol futnot

Yu luk Diksonari.
NT: “ol dip filing blong mi.” PT: “kidni blong mi.”
NT: “bambae mi neva wokbaot lelei.”
PT: “glori blong mi.”
NT: “bodi blong mi i stap long ples we i.”
NT: “sol blong mi i.”
NT: “Seol,” hemia gref blong ol dedman. Yu luk Diksonari.
MNT: “i kam roten.”
PT: “Long fes blong yu.”
NT: “Ol samting blong harem gud.”