Go long ol haf insaed long hem

Go long lis blong ol haf

 KWESTIN 17

?Baebol i Givhan Olsem Wanem Long Famle?

OL HASBAN/OL PAPA

“Long sem fasin, ol hasban oli mas lavem waef blong olgeta olsem we oli lavem prapa bodi blong olgeta. Man we i lavem waef blong hem, hem i lavem hem wan, from we i no gat man we i no laekem nating prapa bodi blong hem. Man i stap fidim bodi blong hem mo i stap mekem i gud long hem . . . Hasban i mas lavem waef blong hem olsem we hem i lavem hem wan.”

Efesas 5:28, 29, 33

“Ol papa. Yufala i no mas stap mekem ol pikinini blong yufala oli harem nogud gogo oli kam kros. Be yufala i mas gohed blong lukaot gud long olgeta, we yufala i stretem mo givim woning long olgeta folem tingting blong Jehova.”

Efesas 6:4

OL WAEF

“Waef i mas gat bigfala respek long hasban blong hem.”

Efesas 5:33

“Yufala ol waef, yufala i mas putum yufala i stap aninit long hasban blong yufala, from we fasin ya i stret long ae blong Masta.”

Kolosi 3:18

 OL PIKININI

“Ol pikinini. Yufala i mas obei long papa mo mama blong yufala, olsem Masta blong yumi i wantem, from we fasin ya i stret. ‘Yu mas ona long papa mo mama blong yu.’ Hemia faswan loa we i joen wetem promes ya we i talem se: ‘Bambae yufala i gat gudfala laef, mo bambae laef blong yufala long graon ya, i longfala.’”

Efesas 6:1-3

“Yufala ol pikinini, yufala i mas obei long papa mo mama blong yufala long evri samting, from we Masta i glad long fasin ya.”

Kolosi 3:20