Ol Sam 101:1-8

  • Wan rula we i mekem samting folem stret fasin

    • ‘Bambae mi no letem man we i flas i stap’ (5)

    • ‘Bambae mi lukluk i go long ol man we oli holemstrong’ (6)

Singsing blong Deved. 101  Bambae mi singsing mi tokbaot fasin blong lavem man oltaem mo jastis. O Jehova, bambae mi singim ol sing blong presem yu.*   Bambae mi mekem samting long waes fasin mo long fasin we i klin gud. ?Wetaem bambae yu kam long mi?Bambae mi folem fasin we i stret long hat blong mi,+ insaed long haos blong mi.   Bambae mi no putum eni samting we i nating nomo* long fored blong ae blong mi. Mi no laekem ol wok blong olgeta we oli gowe long samting we i stret,+Bambae mi no mekem eni samting wetem olgeta.*   Wan hat we i no stret i stap longwe long mi,Bambae mi no akseptem* eni samting we i nogud.   Man we i haed i stap spolem nem blong neba blong hem,+Bambae mi satem maot blong hem.*Wan ae we i flas mo wan hat we i praod,Bambae mi no letem i stap.   Bambae mi lukluk i go long ol man long wol we oli holemstrong oltaem,Blong oli save laef wetem mi. Man we i no gat poen,* bambae i wok blong mi.   Man blong trik, bambae i no save laef long haos blong mi,Mo man blong giaman, bambae i no save stanap long fored blong mi.*   Evri moning, bambae mi satem maot blong* olgeta man nogud long wol ya,Blong mi finisim olgeta man we oli stap mekem fasin we i no stret, long taon blong Jehova.+

Ol futnot

NT: “plei miusik blong presem yu.”
NT: “wan samting we i gud blong nating nomo.”
NT: “Ol fasin blong olgeta oli no fas long mi.”
PT: “lanem.”
NT: “mi kilim hem i ded.”
NT: “Man we fasin blong hem i stret gud.”
PT: “stanp fored long ae blong mi.”
NT: “mi kilim i ded.”