Ol Sam 91:1-16
91 Eni man we i laef long ples ya blong Hae God we i sikret,+Bambae hem i stap gud aninit long sado blong God Ya We i Gat Olgeta Paoa.+
2 Bambae mi talem long Jehova se: “Yu yu ples blong haed blong mi, mo yu strong sefples blong mi,+Yu God blong mi we mi trastem yu.”+
3 Hem bambae i tekemaot yu long trap blong man blong kasem pijin,Mo long ol strong sik we oli save kilim man i ded.
4 Bambae hem i kavremap yu long ol feta blong hem,*Mo bambae yu haed aninit long wing blong hem.+
Fasin blong hem blong holem promes,+ bambae i olsem wan bigfala sil+ mo stonwol* we i protektem yu.
5 Long naet, bambae yu no fraet long ol samting we i mekem man i fraet bitim mak,+Mo long dei, bambae yu no fraet long ol ara we oli stap flae olbaot,+
6 Mo ol strong sik we oli stap kasem man long tudak,Mo ol samting we oli stap spolem man long medel dei.
7 Wan taosen man bambae i foldaon long saed blong yuMo ten taosen long raethan blong yu,Be samting ya bambae i no save kam klosap long yu.+
8 Bambae yu luk stret long ae blong yuWe ol man nogud oli kasem panis.
9 From we yu talem se: “Jehova i ples blong haed blong mi,”Yu yu mekem se Hae God i hom blong yu.*+
10 Bambae i no gat wan disasta i kasem yu,+Mo bambae i no gat wan bigfala sik i kam klosap long tent blong yu.
11 Bambae hem i givim wan oda long ol enjel blong hem+ from yu,Blong oli lukaot gud long yu long ol rod we yu pas long hem.+
12 Bambae oli karem yu long han blong olgeta,+Blong leg blong yu i no bangem wan ston.+
13 Bambae yu stanap long yang laeon mo kobra snek,Mo bambae yu purumbut long strong laeon mo bigfala snek.+
14 God i talem se: “From we hem i lavem mi tumas,* bambae mi sevem hem.+
Bambae mi protektem hem, from we hem i save* nem blong mi.+
15 Bambae hem i singaot long mi, mo bambae mi ansa long hem.+
Bambae mi stap wetem hem, taem hem i harem nogud.+
Bambae mi tekemaot hem mo mi leftemap hem.
16 Bambae mi givim longfala laef long hem blong mekem hem i harem gud,+Mo bambae mi mekem hem i luk ol samting we mi mekem blong sevem man.”+
