Ol Sam 84:1-12
Blong daerekta. Blong plei folem Gitit.* Singsing blong ol boe blong Kora.+
84 !O Jehova komanda blong ol ami,Bigfala tabenakel* blong yu i naes tumas!*+
2 Ful bodi blong mi* i wantem tumas,Yes, i wantem tumas yad blong Jehova,+Gogo ae blong mi i dak from.
Hat blong mi mo bodi blong mi i glad, i stap singaot i go long God ya we i laef.
3 Pijin tu i mekem hom long ples yaMo swalo i mekem nes blong hem long ples ya,Nao i stap lukaot long pikinini blong hemKlosap long olta blong yu, Jehova komanda blong ol ami,King blong mi mo God blong mi.
4 !Olgeta we oli stap laef long haos blong yu, oli glad!+Oli gohed blong presem yu.+ (Selah)
5 Ol man we oli stap kasem paoa long yu, oli glad,+Olgeta ya, hat blong olgeta i stap oltaem long ol bigrod.
6 Taem oli pastru long Vali Blong Baka,*Oli go insaed long wan ples blong ol springwota,Mo faswan ren i mekem se ol blesing i kavremap gud ples ya olsem klos.*
7 Bambae oli wokbaot i go, we oltaem oli kasem moa paoa,+Olgeta wanwan oli go stanap long fes blong God long Saeon.
8 O Jehova God we yu komanda blong ol ami, yu harem prea blong mi.
O God blong Jekob, yu lesin. (Selah)
9 Yu luk, sil blong mifala+ mo God blong mifala,*Yu lukluk i kam long fes blong man ya we yu makemaot.+
10 !From wan dei nomo long yad blong yu, hem i gud moa i winim wan taosen dei long wan narafala ples!+Mi mi jusum blong stanap long doa long haos blong God blong miI bitim we mi stap insaed long ol tent blong ol nogud fasin.
11 From Jehova God i wan san+ mo wan sil,+Hem i stap kaen mo i stap givim glori.
Jehova bambae i no holembak eni gudfala samtingLong olgeta we oli stap wokbaot folem stret fasin oltaem.+
12 O Jehova komanda blong ol ami,Man we i trastem yu, hem i glad.+
