Ol Sam 70:1-5
-
Askem help kwiktaem
-
“Yu tekem aksen kwiktaem long bihaf blong mi” (5)
-
Long daerekta. Singsing blong Deved. Wan rimaenda.*
70 O God, yu sevem mi,O Jehova, yu kam hariap blong halpem mi.+
2 Olgeta we oli stap lukaot mi blong tekemaot laef* blong miI gud yu mekem olgeta oli sem mo yu daonem olgeta.
Olgeta we oli glad from mi kasem trabol,I gud oli sem nao oli ron i gobak.
3 I gud olgeta we oli stap talem se: “!I gud ya! !I gud ya!”Oli sem oli gobak.
4 Be i gud olgeta we oli stap lukaotem yuOli harem gud mo oli glad long yu.+
I gud olgeta we oli laekem ol wok blong yu blong sevem man, oli talem oltaem se:“!I gud yumi presem God!”
5 Be i no gat man i halpem mi mo mi mi pua,+O God, yu tekem aksen kwiktaem long bihaf blong mi.+
Yu nao yu stap halpem mi mo yu stap tekemaot mi long trabol,+O Jehova, yu no wet.+
