Memoriol Blong Ded Blong Jisas
Sarede 12 Eprel 2025
Wan taem evri yia, ol Witnes blong Jehova oli mekem Memoriol blong tingbaot ded blong Jisas, olsem we hem i talem, i se: “Yufala i mas gohed blong mekem samting ya oltaem blong tingbaot mi.”—Luk 22:19.
Mifala i invaetem yu blong kam long miting ya.
Kwestin We Plante Man Oli Stap Askem
?Miting ya i longfala olsem wanem?
Longfala blong miting ya i samting olsem wan aoa.
?Yufala i mekem miting ya wea?
Askem long ol Witnes blong Jehova long ples blong yu.
?Mi mas pem blong kam insaed?
No.
?Bambae i gat kleksin?
No.
?Mi mas werem wanem kaen klos?
I no gat rul long saed blong wanem kaen klos we yu mas werem, be ol Witnes blong Jehova oli traehad blong folem advaes blong Baebol blong werem klos we i stret mo i soemaot se yumi gat respek. (1 Timoti 2:9) I no nid blong werem klos we i sas mo flas.
?Bambae oli mekem wanem long Memoriol?
Long stat mo en blong miting ya yumi joen long wan singsing, mo wan minista blong ol Witnes blong Jehova i mekem prea. Bighaf blong Memoriol, hemia wan tok we i eksplenem from wanem ded blong Jisas i impoten, mo olsem wanem samting ya we God mo Kraes i mekem i save givhan long yumi.
Blong save moa, ridim atikol ya “?From Wanem Ol Witnes Blong Jehova Oli Mekem Lodsapa i Defren Long Ol Narafala Jos?”
?Long fiuja bambae oli mekem Memoriol long wanem dei?
2025: Sarede 12 Eprel
2026: Tasde 2 Eprel
Maet Yu Laekem Hemia Tu
MEMORIOL
Tingbaot Ded Blong Jisas
Mifala i glad blong singaot yu blong joen wetem mifala long impoten taem ya. Long taem ya, bambae yu lanem olsem wanem ded blong Jisas i save givhan long yu.
ESSENTIAL BIBLE TEACHINGS
?From Wanem Jisas i Ded?
Maet yu harem finis se hem i ded blong tekemaot sin blong yumi. ?Be ded blong wan man nomo i save givhan long plante milian man?