Stotr 99:1-9

  • Jehova, povitr Raza

    • Kerubim voir xinvasonar bosla (1)

    • Ek Dev zo guneanv bhogxita ani khast dita (8)

99  Jehova Raza zala. Veg-vegllea desantle lok bhirantin koddkoddom. To kerubim voir* xinvasonar bosla. Prithum thorthorom.  2  Sionant Jehova vorto asa,Ani veg-vegllea desantlea soglea lokancher to raz choloita.  3  Te tujea vortea nanvachi vakhannʼnni korum,Karonn tujem nanv ojapachem* ani povitr asa.  4  To ek xoktivont raza zaun asa, zo neai-acho mog korta. Promannikponn tunvem thir stapon kelam. Jakoba* pasot tunvem neai ani nitivontponn haddlam.  5  Jehova amchea Devachi vhoddvik korat, ani tache paim dovorpache monnoi-e* lagim man bagoiat,*To povitr asa.  6  Moizes ani Aron tachea iadnikam modle asle,Ani Samuel, tachem nanv gheun ulo kortat tanchea modlo aslo. Te Jehovak ulo martale,Ani to tankam zobab ditalo.  7  To tanchea lagim kupachea khambeantlean uloitalo. Tannem jeo adnea tanchea ugddasak haddleo ani tankam je hukum dilʼle, te tannim pallʼlle.  8  Amchea Deva Jehova, tum tankam zobab ditalo. Tum ek oslo Dev aslo zo tankam bhogxitalo,Punn tanchea patki kamank lagon tunvem tankam khast dili.*  9  Jehova amchea Devachi vhoddvik korat,Ani tachea povitr porvota mukhar man bagoiat,*Karonn amcho Dev Jehova povitr asa.

Footnotes

^ Vo ghoddie, “modem.”
^ Vo “bhirankull.”
^ Vo “Jakobachea sonsti.”
^ Mhunnche, lhan bankin.
^ Vo “lagim tachi bhokti korat.”
^ Utran utor, “tunvem tancho sudd ghetlo.”
^ Vo “mukhar tachi bhokti korat.”

Copyrights for this publication