Stotr 80:1-19

  • Aplea lokank porot apnnaunk Izraelachea Gonvlleak kelʼlem magnnem

    • “Deva, amkam porot apnnai” (3)

    • Izrael Devachi drakxanchi val (8-15)

Mukhel songitkarak; “Lilies” hea surar gaunchem. Ugddasa pasot. Asafachem git. Ek songit. 80  Izraelachea Gonvllea,Tum, zo hinddak vatt dakhoilʼlea bhaxen Juzek vatt dakhoita, aik. Tum, zo kerubim voir* xinvasonar bosla,Tuzo uzvadd fankoi.*  2  Efraim, Benjamin ani Manase mukhar,Tuji xokti dakhoi,Ieo ani amkam salvar kor.  3  Deva, amkam porot apnnai,*Ami salvar zaunchim mhunn, tujea mukhamollacho* uzvadd amcher fankom.  4  Fouzanchea Deva Jehova, tum kednam poriant ragar zaun tujea lokanchem magnnem aikonastana ravtolo?  5  Tum tankam dukam, jevonn mhunn dita,Tum tankam mezunk zaina titlim dukam pieunk laita.  6  Amkam tabeant gheunk tum amchea xezareank eka-meka lagim zhogddonk dita. Amche dusman apleak zai toxe amchim fokannam kortat.  7  Fouzanchea Deva, amkam porot apnnai,*Ami salvar zaunchim mhunn, tujea mukhamollacho uzvadd amcher fankom.  8  Ejipttantlean tunvem ek drakxanchi val kaddun haddli. Tunvem raxttrank dhanvddaun ghatlim ani ti drakxanchi val zomnint laili.  9  Tunvem tichea pasot ek zago nitoll kelo,Ani tinnem pallam ghetlim ani ti akʼkhea desant posorli. 10  Tika lagon porvotancher savlli poddli,Ani tichea khandeank lagon Devachea cedar* zhaddancher savlli poddli. 11  Tiche khande pois doria meren posorle,Ani tiche fantte Nhoim-e* poriant pavle. 12  Tunvem tea drakxanchea molleache adde kiteak moddun uddoile? Pasar zatat tim soglim tachim drakxam kaddttat. 13  Randukor ticho nas kortat,Ani ranvotti zonvaram tika khaun uddoitat. 14  Fouzanchea Deva, upkar korun porot ieo. Sorgar thaun sokol polloi! Hea valechi kallji ghe, 15  Hea khandeachi* kallji ghe, zaka tunvem tujea uzvea hatan lailo,Ani tea putak* polloi, zaka tunvem tujea pasot bollixtt kelo. 16  Tika katrun uddoilea, lasoun uddoilea. Tujea dhengxean tancho nas zata. 17  Tuzo hat tujea uzveak aslolea munxak tenko dium,Tea munxachea putak tenko dium, zaka tunvem tujea pasot bollixtt kela. 18  Tednam ami tuka fatt korchenant. Ami tujea nanvan tuka ulo marcho mhunn amkam mornna thaun vanchoi. 19  Fouzanchea Deva Jehova, amkam porot apnnai,*Ami salvar zaunche mhunn, tujea mukhamollacho uzvadd amcher fankom.

Footnotes

^ Vo ghoddie, “kerubinchea modem.”
^ Vo “dakhoi.”
^ Vo “porot gheun ieo.”
^ Vo “tonddacho.”
^ Vo “porot gheun ieo.”
^ Vo “devdar.” Eke torechem vhoddlem zhadd.
^ Mhunnche, Eufrates.
^ Vo “valichea mukhel khandeachi.”
^ Vo “khandeak.”
^ Vo “porot gheun ieo.”

Copyrights for this publication