Stotr 91:1-16
91 Zo konn Bhov Vortea Devachea gupit zagear asro gheta,To Sorvxoktivont Devachea savllent ravtolo.
2 Hanv Jehovak mhunnttolom: “Tum mhozo asro ani mhozo kilʼlo,Tum mhozo Dev, zacher hanv visvas dovortam.”
3 Karonn to tuka suknneank dhortoleachea fasa thaun vanchoitolo,Nas korun uddoitolea pidde thaun vattaitolo.
4 Aplea pakhotteamnim to tuka rakhtolo,*Ani tum tachea pakhotteam khala asro ghetolo.
Tachem visvaxiponn tujea pasot ek vhoddli ddhal ani rakhonn dita tosli vonott zatoli.
5 Ratchea vellar kosleach dhokeachi,Ani disachea vellar soddlolea bannachi tuka bhirant aschina.
6 Toxench, kallkhant tujea fattik laglolea piddechi,Ani donparchea vellar zatolea nisonttonachi tuka bhirant dischina.
7 Tuje eke vatten hozar zann poddttole,Ani tuje uzve vatten dha hozar zann poddttole,Punn hantuntlem khoinchench vaitt tujea lagim pavchem na.
8 Hem tum fokot polloitolo,Noxtteank khast melltta ti tum tujea dolleamnim polloitolo.
9 Karonn tunvem mhunnttlem: “Jehova mhozo asro,”Tunvem Bhov Vortea Devak tuzo ravpacho zago* kela.
10 Taka lagon, tujer koslench odruxtt ieunchem na,Ani tujea tombu lagim koslich pidda ieunchina.
11 Karonn to aplea devdutank tujea vixim adnea ditolo,Soglea vatten tuji rakhonn korunk to tankam adnea ditolo.
12 Tuje paim fatrak addollna zaunk,Te tuka aplea hatamnim uklun dhortole.
13 Tornattea xinvak ani nagak tum maddoitolo,Xinvak ani vhoddlea sorpak tum tujea paim-am ponda mostitolo.
14 Devan mhunnttlam: “To mhozo khub mog korta* dekhun, hanv taka vanchoitolom.
To mhojem nanv zannam dekhun hanv tachi rakhonn kortolom.
15 To mhaka ulo martolo ani hanv taka zobab ditolom.
Tachea akantachea vellar hanv tachea sangata astolom.
Hanv taka vanchoitolom, ani taka voir kaddttolom.
16 Hanv taka lamb jivit diun dhadoxi kortolom,Ani hanv taka mhojim taronnachim kamam pollounk* ditolom.”
