Stotr 101:1-8

  • Ek raz choloupi guneanv nastana cholta

    • ‘Gorvixttank hanv sosun gheunchom na’ (5)

    • “Hanv prithume voilea visvaxi lokank polloitolom” (6)

Davidachem git. Ek songit. 101  Visvaxi mog ani neai-a vixim hanv git gaitolom. Jehova Deva, hanv tuka vakhannʼnnechim gitam gaitolom.*  2  Hanv somjikaien vagtolom ani guneanvam mekllom ravtolom. Tum mhojea lagim kednam ietolo? Hanv mhojea ghora bhitor guneanv naslolea* kallzan choltolom.  3  Valor nasloli* khoinchich vost hanv mhojea dolleam mukhar dovorchom na. Sarke vatte voile bhottokttat tea lokanchea kamancho hanv dves kortam,Hanv tanchea lagim kosloch sombond dovorchom na.  4  Naddbudʼdhechem* kalliz mhojea thaun pois asa,Koslench vaitt hanv manun gheunchom na.  5  Zo konn guptim aplea xezareachem nanv piddʼddear korta,Taka hanv vogi kortolom. Gorvixtt dolle ani ek ghomonddi kalliz,Hanv sosun gheunchom na.  6  Hanv prithume voilea visvaxi lokank polloitolom,Jea vorvim tim mhojea sangata ravonk xoktolim. Guneanv nastana cholta to mhoji seva kortolo.  7  Fosoita to khoinchoch munis mhojea ghorant ravchona,Ani fott marta to khoinchoch munis mhojea mukhar* ubo ravchona.  8  Vaitt korpi soglea lokank Jehovachea xarantlean kabar korun uddounk,Hanv dor sokallim prithume voilea noxtteank vogi kortolom.*

Footnotes

^ Vo “gitam gaun songitachim sadhonam vazoitolom.”
^ Mhunnche, purnn toren bhokti korpi. Inglez bhaxent “integrity.”
^ Vo “Kiteakuch upkarona tosli.”
^ Vo “Vankddem.”
^ Utran utor, “mhojea dolleam mukhar.”
^ Vo “noxtteank nanch kortolom.”

Copyrights for this publication