Stotr 76:1-12
Mukhel songitkarak; tar aslolim sadhonam vazoun gaunchem. Asafachem songit. Ek git.
76 Akʼkhem Juda Devak vollkhota,Izraelant tachem nanv vortem asa.
2 Salemant tacho asro asa,Ani to Sionant ravta.
3 Thoim tannem zolltte bann moddun uddoile,Ddhal, tolvar ani zhuzachim soglim hotʼtearam moddun uddoilim. (Selah)
4 Tum khub porzolltta,*Jea dongrancher xikar kortat, tanchea poros tum chodd vorto asa.
5 Dhirvont kallzachea lokank luttleat,Te sogle nhidleat,Soglea zhuzareank kosloch adar na zalo.
6 Jakobachea Deva, tujea dhengxeak lagon,Roth choloupeak ani ghoddeak borich nhid laglea.
7 Tum ekloch bhirant dhorpa sarko* asa.
Tuzo rag choddtta tednam tujea mukhar konn ubo ravonk xokta?
8 Sorgar thaun tunvem tuzo niticho nirnnoi kolloilo.
Prithum bhieli ani xant zali,
9 Dev zhoddtti korunkAni prithumer aslolea soglea khalteank salvar korunk utthlo. (Selah)
10 Karonn munis ragar zata tednam tuka vakhannʼnni mellttoli,Tanchea urlolea ragan pasun tum tuji mhoima korun ghetolo.
11 Tujea Devak Jehovak, angvonneo kor ani teo pall,Tachea bhonvtonnim asat tea sogleamnim tachi bhirant dhorun aplem dennem haddchem.
12 Fuddareancho gorv moddun to tankam khalte kortolo,Prithume voilea razank to bhirantin bhortolo.
