Stotr 143:1-12

  • Eka sukhlolea zomni bhaxen Devak tanevop

    • ‘Hanv tujea kamam vixim kholaien chintʼtam’ (5)

    • “Tuji khuxi korunk mhaka xikoi” (10)

    • ‘Tuji povitr xokti bori, ti mhaka gheun vochom’ (10)

Davidachem songit. 143  Jehova Deva, mhojem magnnem aik,Modoti pasot hanvem kelʼli vinoti aikon ghe. Tujea visvaxiponnak lagon ani nitivontponnak lagon mhaka zobab di.  2  Tujea sevokak tujea neai korchea xinvasona mukhar haddinaka,Karonn jivo asa to khoinchoch munis tujea mukhar nitivont asonk xokona.  3  Dusman mhojea fattik lagla,Tannem mhaka zomnicher mostila,Zaitea kalla thaun meleat tanchea bhaxen tannem mhaka kallkhant ghatla.  4  Mhozo jiv oskot zata,*Mhojem kalliz mhojea bhitor bherelam.  5  Hanv adlea disancho ugddas kortam,Hanv tujea soglea kamancher niall kortam,Tujea hatanchea kamam vixim hanv kholaien chintʼtam.*  6  Hanv tujea mukhar mhoje hat posraitam,Eke suklole zomni bhaxen, hanv* tuka tanelam. (Selah)  7  Jehova Deva, mhaka begin zobab di,Mhojem boll kabar zaun gelam. Mhojea thaun tujem tondd lipoinaka,Na zalear, fonddant voitat tanchea bhaxen hanv zatolom.  8  Sokallim mhaka tujea visvaxi moga vixim aikom-di,Karonn mhaka tujer visvas asa. Hanvem khoinchea vatter cholonk zai tem mhaka dakhoi,Karonn hanv tujea vatten vollttam.  9  Jehova Deva, mhojea dusmanam thaun mhaka vanchoi. Tuji rakhonn mellonk hanv tujea lagim ailam. 10  Tuji khuxi korunk mhaka xikoi,Karonn tum mhozo Dev,Tuji povitr xokti bori,Ti mhaka sopatt* zomnir* gheun vochom. 11  Jehova Deva, tujea nanva khatir mhozo jiv samball. Tujea nitivontponnak lagon, mhaka sonkoxttantlo vanchoi. 12  Tujea visvaxi mogak lagon mhojea dusmanank kabar* korun uddoi,Mhaka sotaitolea sogleancho nas korun uddoi,Karonn hanv tuzo sevok.

Footnotes

^ Vo “Mhojem boll unnem zata.”
^ Vo “obheas kortam.”
^ Vo “Mhozo jiv.”
^ Vo “ek-sarke.”
^ Vo “mhaka promannikponnachea desant.”
^ Utran utor, “vogi.”

Copyrights for this publication