Stotr 52:1-9

  • Devachea visvaxi mogacher visvas dovrop

    • Vaitta vixim boddai martat tankam xittkaunni (1-5)

    • Devachi bhirant naslole girestkaiecher visvas dovortat (7)

Mukhel songitkarak. Maskil.* Hem Davidachem tea vella voilem git jednam Edomit Doegan, David Ahimelekager aila mhunn Sauluk sanglem. 52  Xoktivont munxa, tujea vaitt kamam vixim tum boddai kiteak marta? Devacho visvaxi mog dis-bhor urta.  2  Tuji jib, dharechea vakora* bhaxen asa,Ti vaitt korcheo manddnneo kaddtta ani dusreank fosoita.  3  Borea poros tum vaittacho chodd mog korta,Ani sarkem tem ulounchea bodlek tuka fott marunk chodd avoddtta. (Selah)  4  Fosoupi jibe,Dor ek vaitt utor tuka avoddtta!  5  Taka lagon, Dev tuka ekuch pavtti sasna pasot sokol uddoitolo,To tuka dhortolo ani tujea tombuntlean bhair voddun kaddttolo,Jiveanchea desantlo to tuka umttun kaddttolo. (Selah)  6  Nitivont lok hem polloitole ani bhirantin bhortole,*Ani te taka hanstole.  7  “Ho to munis zannem Devak aplo asro* korunk na,Tachea bodlek, tannem aplea lagim aslolea bhorpur girestkaiecher visvas dovorlo,Ani to aplea vaitt manddnneancher patielo.”*  8  Punn hanv, Devachea ghorant eka hirvea panamnim bhorlolea zoitunachea zhadda bhaxen astolom,Hanvem Devachea visvaxi mogacher visvas dovorla, ani sodam-sodankal dovortolom.  9  Tunvem panvl ghetlam dekhun hanv sodankal tuji vakhannʼnni kortolom,Tujea visvaxi lokam mukhar,Hanv tujea nanvacher bhorvonso dovortolom, karonn oxem korop borem zaun asa.

Footnotes

^ Xobdhkox polloi.
^ Inglez bhaxent “razor.”
^ Vo “ani ojap zatole.”
^ Vo “kilʼlo.”
^ Vo “manddnneancho asro ghetlo.”

Copyrights for this publication