Stotr 110:1-7

  • Melkizedeka bhaxen ek raza ani iadnik

    • ‘Tujea dusmanam modem raz choloi’ (2)

    • Khuxen fuddem sortat te tornatte fantodder poddtta tea dova sarke (3)

Davidachem git. Ek songit. 110  Jehovan mhojea Somiak mhunnttlem: “Tum tea meren mhojea uzvea hatak bos,Jea meren hanv tujea dusmanank monnoi* koxi tujea paim-am ponda ghalina.”  2  Jehova tuji xokti* Siona thaun vaddoitolo ani mhunnttolo: “Tujea dusmanam modem voch ani tancher zoit melloun ghe.”  3  Tum tuje foujek gheun zhuzak voitolo tea disa,* tuje lok aple khuxen fuddem sortole. Tujea tornatteancho* zomo fantodder poddtta tea dova sarko asa,Zo pollounk sobit ani povitr dista.  4  Jehovan soput gheun utor dilam ani to aplem mon bodolchona:* “Tum Melkizedeka bhaxen ek iadnik zaun asa,Ani tum sodam-sodankal ek iadnik urtolo!”  5  Jehova tujea uzvea hatak astolo,Tachea ragachea disa to razancho churo korun uddoitolo.  6  To raxttranchi zhoddtti korun tankam khast ditolo,To des moddeamnim bhortolo. Vhoddlea desachea* fuddareacho* to churo korun uddoitolo.  7  To* rosteachea kuxik vhanvtolea vhallachem udok pietolo,Taka lagon to apli tokli unch ubartolo.

Footnotes

^ Mhunnche, lhan bankin.
^ Utran utor, “tujea bollacho danddo.”
^ Vo “Tuji fouz toiar zata tea disa.”
^ Vo “tornattea dadleancho.”
^ Vo “ani taka kainch dukh zaunchem na.”
^ Vo “Akʼkhea prithumechea.”
^ Utran utor, “mukheleacho.”
^ Hem vers 1-ant aslolea “mhojea Somiak” suchit korta.

Copyrights for this publication