Stotr 85:1-13
Mukhel songitkarak. Korachea putanchem git. Ek songit.
85 Jehova Deva, tunvem tujea lokank doia dakhoili,Koidi korun vhelʼlea Jakobachea lokank tunvem porot haddle.
2 Tunvem tujea lokancho guneanv bhogxilo,Ani tanchim soglim patkam pusun kaddlim.* (Selah)
3 Tunvem tuzo soglo krodh addaun dhorlo,Tunvem tuzo zolltto rag xant kelo.
4 Amkam taronn diupi Deva, amkam porot hadd,*Ani amcher bejar zainaka.
5 Tum sodankal amcher ragar zaun ravtolo kai?
Tum pillgean-pillgi poriant rag gheun bostolo kai?
6 Tujea lokamnim tuka lagon khuxal zaunchem mhunnTum amkam porot novean ghottai diunchona kai?
7 Jehova Deva, amkam tuzo visvaxi mog dakhoi,Ani amkam taronn di.
8 Khoro Dev Jehova jem sangta tem hanv aikotolom,Karonn to aplea lokam lagim, apleak visvaxi ravtat tanchea lagim, xante vixim uloitolo,Punn tannim poilim bhaxen svotacheruch chodd patieun ravchem nhoi.
9 Amchea desant tachi mhoima urchi mhunn,Tachi bhirant dhortat tankam to taronn ditoloch.
10 Visvaxi mog ani visvaxiponn eka-mekak mellttolim,Nitivontponn ani xanti eka-mekak umo ditolim.
11 Prithume thaun visvaxiponnachi kombri funttʼttoli,Ani nitivontponn mollba voilean sokol polloitolem.
12 Hoi, Jehova borem tem* ditolo,Ani amcho des aplem pik ditolo.
13 Nitivontponn tachea mukhar choltolem,Ani tachea panvlam pasot vatt toiar kortolem.
