Stotr 75:1-10

  • Dev bhedbhav korinastana neai korta

    • Noxtte Jehovachea kopantlem pietole (8)

Mukhel songitkarak. “Nas Zaunk Dinaka” hea songitachea surar gaunchem. Asafachem git. 75  Deva, ami tuje upkar attoitat, hoi, ami tuje upkar attoitat. Tum* amchea lagim asa,Ani lok tujea ojapachea kamam vixim kolloitat.  2  Tum mhunntta: “Hanv nit korunk ek vell tharaitam,Ani bhedbhav korinastana hanv nit kortam.  3  Prithum ani tacher ravpi sogle bhirantin koddkoddonk lagle* tednam,Hanvench tiche khambe thir dovorle.” (Selah)  4  Boddaio martat tankam hanv mhunnttam, “Boddaio marinakat,”Ani noxtteank hanv mhunnttam, “Tumchea bollachi* vhoddvik korinakat.  5  Tumchea bollachi* itli-i vhoddvik korinakat,Vo gorvan bhoron uloinakat.  6  Karonn vhoddvik udente thaun,Vo ostome thaun vo dokxinne thaun mellona.  7  Dev Neai Korpi zaun asa. To ekleak sokol uddoita ani dusreak voir kaddtta.  8  Karonn Jehovachea hatant ek kop asa,Tantunt fes ieta toslo ani mosale miks kelʼlo drakxancho soro bhorlolo asa. To dubhav nastana to votoitolo,Ani prithume voile sogle noxtte lok to pieun samko kabar kortole.”  9  Punn hanv zalear, sodankal hem porgott kortolom,Hanv Jakobachea Devak vakhannʼnnechim gitam gaitolom.* 10  Karonn to mhunntta: “Hanv noxtteanchem soglem boll* kabar korun uddoitolom,Punn nitivontanchem boll* anik vaddoitolom.”

Footnotes

^ Utran utor, “Tujem nanv.”
^ Utran utor, “pigollʼlle.”
^ Utran utor, “xingachi.”
^ Utran utor, “xingachi.”
^ Vo “gitam gaun songitachim sadhonam vazoitolom.”
^ Utran utor, “soglim xingam.”
^ Utran utor, “xingam.”

Copyrights for this publication