Stotr 98:1-9
-
Jehova, Salvar Korpi ani nitivont Neai Korpi
-
Jehovachea taronna vixim kolloilam (2, 3)
-
Ek songit.
98 Jehova pasot ek novem git gaiat,Karonn tannem ojapacheo vostu keleat.
Tachea uzvea hatan, tachea povitr hatan taronn dilam.*
2 Jehovan aplea taronna vixim kolloilam,Raxttram mukhar tannem aplem nitivontponn ugddapem kelam.
3 Izraelachea ghorannea pasot aslolo aplo visvaxi mog ani visvaxiponn tannem ugddas kelam.
Akʼkhea prithumen amchea Deva thaun mellʼllolem taronn* polloilam.
4 Akʼkhe prithume voilea lokamno, Jehovacho vhoddlean zoizoikar korat.
Khuxal zaiat, sontosbhorit zaun bob marat ani vakhannʼnnechim gitam gaiat.*
5 Kinori* vazoun Jehova pasot vakhannʼnnechim gitam gaiat,*Kinori vazoun ani borea surachem git gaun tachi vakhannʼnni korat.
6 Turturi ani xingachea* avazan,Amcho Raza Jehova mukhar vhoddlean zoizoikar korat.
7 Doria ani tantunt aslolea sogleamnim,Prithum* ani tacher ravtolea sogleamnim khuxalkaien bob marum.
8 Nhoim-o talleo marum,Porvot sangata mellon khuxalkaien bob marum,
9 Tannim Jehova mukhar khuxalkaien bob marum, karonn to prithumechi zhoddtti korunk ieta.*
To akʼkhe prithumechi* nitivontponnan,Ani veg-vegllea desantlea lokanchi, bhedbhav korinastana zhoddtti kortolo.
Footnotes
^ Vo “hatan zoit melloun ghetlam.”
^ Vo “Devachem zoit.”
^ Vo “gitam gaun songitachim sadhonam vazoiat.”
^ Hi ek vazoupachi vost jika gitara bhaxen tar astat, punn ticho akar gitara bhaxen na. Inglez bhaxent “harp.”
^ Vo “gitam gaun songitachim sadhonam vazoiat.”
^ Xobdhkox polloi.
^ Vo “Pik diupi zomin.”
^ Vo “aila.”
^ Vo “pik diupi zomnichi.”
