Stotr 113:1-9

  • Unch asa to Dev khalteak voir ubarta

    • Jehovachea nanvachi sodam-sodankal vakhannʼnni zaum (2)

    • Dev sokol bagovta (6)

113  Jah-k vakhannat!* Jehovachea sevokamno, tachi vakhannʼnni korat,Jehovachea nanvachi vakhannʼnni korat.  2  Atam thaun sodam-sodankal,Jehovachea nanvachi vakhannʼnni zaum.  3  Suria udeta thoim thaun tem suria buddtta thoim meren,Jehovachea nanvachi vakhannʼnni zaum.  4  Jehova soglea raxttram poros unch asa,Tachi mhoima mollba poros unch asa.  5  Jehova amchea Deva sarko konn asa,Zo sorgar unch ravta?*  6  Mollbar ani prithumer nodor marunk to sokol bagovta,  7  To khalteak dhulʼlintlean voir ubarta. To goribak gobrachea raxintlean* voir kaddtta.  8  Taka vhoddlea odhikaream sangata bosounk,Tachea lokanchea odhikaream sangata bosounk, to oxem korta.  9  To vanz bailek ek ghor dita,Tika bhurgeanchem* sukh diun dhadoxi korta. Jah-k vakhannat!*

Footnotes

^ Vo “Hallelujah!” “Jah” hem Jehova hea nanvachem shortt form zaun asa.
^ Vo “unch xinvasonar bosla.”
^ Vo ghoddie, “goribak kochro uddoita tea zagea voilean.”
^ Utran utor, “putanchem.”
^ Vo “Hallelujah!” “Jah” hem Jehova hea nanvachem shortt form zaun asa.

Copyrights for this publication