Stotr 141:1-10
Davidachem songit.
141 Jehova Deva, hanv tuka ulo martam.
Mhaka modot korunk begin ieo.
Hanv ulo martam tednam mhojer dhean di.
2 Tujea mukhar mhojem magnnem toiar kelʼlea dhumpa sarkem zaum,Hanvem ubarlole hat sanjechea daneache bhette sarke zaum.
3 Jehova Deva, mhojem tondd rakhonk ek rakhonndar dovor,Mhojea vonttanchea daracher nodor dovor.
4 Mhojea kallzak khoincheach vaitt vostu koddem vollonk dinaka,Ani hanv vaitt lokanchea noxttea kamamnim bhagidar zaina zaum,Tanchem borem jevonn jevun hanv kednanch mouza korina zaum.
5 Nitivont munxan mhaka marlo zalear mhojea pasot to tacho visvaxi mog zalʼlea bhaxen astolo,To mhaka sudhrait zalear, tem mhojea pasot tokler votoilʼlea tela bhaxen astolem,Jem mhoji tokli kednanch nakarchina.
Tanchea sonkoxttanchea vellar pasun hanv tanchea pasot magnnem korit ravtolom.
6 Tanchea neai korpeank tollpar thaun sokol uddoile zalear pasun,Lok mhojea utrancher dhean ditolo, karonn tim khub borim asat.
7 Eklo xetant zot ghalun matieche gulle* foddun te ximpddaita tea bhaxen,Amchim haddam Fonddachea* tondda lagim ximpddailʼlim asat.
8 Punn Akʼkhea Vixvachea Dhonia Jehova Deva, mhoje dolle tujea vatten polloitat.
Tujea thaim hanvem asro ghetla.
Mhozo jiv kaddinaka.
9 Tannim mhojea pasot manddlolea zalla thaun mhaka rakh,Vaitt lokamnim manddlolea fasam thaun mhaka rakh.
10 Sogle noxtte lok apnnench manddlolea zallant poddttole,Punn hanv mhojea vatten surokxit voitolom.
