Stotr 28:1-9
-
Stotrkarachem magnnem aikolem
-
“Jehova mhojem boll ani mhoji ddhal” (7)
-
Davidachem git.
28 Jehova Deva, mhojea Khoddpa, hanv tuka ulo marit asam,Mhojem magnnem aikonk na zalʼlea bhaxen korinaka.
Tum vogi ravlo zalear,Mhoji poristhiti fonddant voitoleam bhaxen zatoli.
2 Hanv tujea povitr zageachea bhitorlea ruma vatten hat ubarun,Modoti pasot tuka ulo martam tednam mhoji vinoti aik.
3 Tum mhaka noxtteam borabor, dusreank tras kortat toslea munxam borabor, voddun vhoronaka,Te aplea sangatea lagim xantichim utram uloitat, punn tanchea kallzant vaittponn bhorlolem asta.
4 Tanchea korneam pormonnem,Tanchea vaitt kamam pormonnem tankam farik kor.
Tanchea hatanchea kamam pormonnem,Tannim jem kelam tea pormonnem tankam farikponn di.
5 Karonn te Jehovachea kamancher,Toxench tachea hatanchea kamancher dhean dinant.
To tankam moddun uddoitolo ani tankam porot bandchona.
6 Jehovachi vakhannʼnni zaum,Karonn hanvem modoti pasot keloli vinoti tannem aikoli.
7 Jehova mhojem boll ani mhoji ddhal,Mhojem kalliz tacher visvas dovorta.
Mhaka tachi modot mellʼllea, ani mhojem kalliz sontosta,Tor hanv taka mhojea gita vorvim vakhannttolom.
8 Jehova aplea lokanchem boll zaun asa,To ek kilʼlo zaun asa, zo aplea makhloleak ojapachea ritin taronn dita.
9 Tujea lokank salvar kor, ani tujea daizacher besanv ghal.
Tancho gonvlli zav, ani tankam tujea vengent sodankal ubarun dovor.
