Stotr 61:1-8

  • Dusmana thaun surokxit uronk Dev ek ghott gopur

    • ‘Hanv tujea tombunt sodankal ek soiro zaun ravtolom’ (4)

Mukhel songitkarak; tar aslolim sadhonam vazoun gaunchem. Davidachem git. 61  Deva, modoti pasot mhozo ulo aik. Mhojea magnneacher dhean di.  2  Mhojem kalliz khontin buddlolem astana,*Hanv tuka prithumechea konnxea-konnxea thaun ulo martolom. Mhojea poros unch aslolea eka khoddpar tum mhaka vhor.  3  Karonn tum mhozo asro,Ek ghott gopur zo dusmana thaun mhoji rakhonn korta.  4  Hanv tujea tombunt sodankal ek soiro zaun ravtolom,Tujea pakhotteanchea savllent hanv asro ghetolom. (Selah)  5  Karonn Deva, tunvem mhojeo angvonneo aikoleat,Tujea nanvachi bhirant dhortat tanchem daiz tunvem mhaka dilam.  6  Tum razachem jivit* vaddoitolo,Ani to zaiteo pillgeo polloitolo.  7  To sodankal Deva mukhar xinvasonar boson astolo,*Tuzo visvaxi mog ani visvaxiponn taka dakhoi, jea vorvim tachi rakhonn zatoli.*  8  Uprant dor disa mhojeo angvonneo pallit,Hanv tujea pasot sodankal vakhannʼnnechim gitam gaitolom.*

Footnotes

^ Vo “kalliz oskot zata tednam.”
^ Utran utor, “dis.”
^ Vo “mukhar ravtolo.”
^ Vo “Tachi rakhonn korunk visvaxi mogak ani visvaxiponnak nem.”
^ Vo “gitam gaun songitachim sadhonam vazoitolo.”

Copyrights for this publication