Stotr 140:1-13
Mukhel songitkarak. Davidachem songit.
140 Jehova Deva, vaitt munxam thaun mhaka vanchoi,Hinvsa korpi munxam thaun mhoji rakhonn kor.
2 Te munis aplea kallzant vaitt manddnni kortat,Ani dis-bhor zhogddim laitat.
3 Te apli jib sorpachea jibe bhaxen dharechi kortat,Tanchea vonttanchea fattlean furxeachem* vik asta. (Selah)
4 Jehova Deva, noxtteachea chopkeantlo mhaka rakh,Hinvsa* korpi munxam thaun mhaka samball,Te munis mhaka sokol uddounk manddnni kortat.
5 Gorvixtt lok mhojea pasot choriam fas manddttat,Rosteachea kuxik te dorienchem zall posraun dovortat.
Te mhojea pasot fas manddttat. (Selah)
6 Hanv Jehovak mhunnttam: “Tum mhozo Dev.
Jehova Deva, hanv modoti pasot martam to ulo aik.”
7 Akʼkhea Vixvachea Dhonia Jehova Deva, mhojea bollixtt Salvar Korpea,Zhuzachea disa tum mhojea toklechi rakhonn korta.
8 Jehova Deva, noxtteacheo itsa purnn korinaka.
Tannim boddai marchi nhoi mhunn, tanchea ievzonneank ies dinaka. (Selah)
9 Mhaka gherav ghaltoleamnim jim vaitt utram mhunnttlim,Tim tancheach mathear poddom.
10 Zollttea inglleancho paus tancher poddom.
Tankam ujeant xevttun uddoum.
Porot kednanch utthonant tea toren te khol fonddamnim* poddom.
11 Fott marun dusreachem nanv piddʼddear kortat tankam prithumer* khoinch zago mellona zaum.
Hinvsa kortolea munxanchi vaittan fatt dhorum ani tankam marun uddoum.
12 Jehova adar nasloleank rakhta,Ani goribank neai dita mhunn hanv zannam.
13 Khorench, nitivont tujea nanvache upkar attoitole,Promannik tujea mukhar jietole.
