Stotr 50:1-23
Asafachem songit.
50 Devancho Dev, Jehova* uloila,Suria udeta thoim thaun suria buddtta thoim meren*To prithumek hukum dita.
2 Zachi sobitkai poripurnn asa, tea Siona thaun Dev porzolltta.
3 Amcho Dev ietolo ani to vogi ravchona.
Karonn tachea mukhar bhosm korun uddoita toslo uzo asa,Ani tache sorvbhonvtonnim zobordost vadoll asa.
4 Tachea lokanchi zhoddtti korunk,To voir mollbak ani prithumek hukum diun mhunntta:
5 “Mhojea visvaxi lokank mhojea mukhar ektthaim kor,Zannim bolidana udexim mhojea sangata korar kela, tankam ektthaim kor.”
6 Mollob tachem nitivontponn kolloita,Karonn Dev svota Neai Korpi zaun asa. (Selah)
7 “Mhojea lokamno, aikat ani hanv uloitolom,Izraela, hanv tujea add govai ditolom.
Hanv Dev, tuzo Dev.
8 Hanv tuka tujea bolidanank lagon sudhraitam oxem nhoi,Toxench mhojea mukhar sodanch aslolea tujea hulpailʼlea bhettenk lagon sudhraitam oxem nhoi.
9 Tujea ghorantlea boilachi,Ani tujea voim-entlea bokddeanchi mhaka goroz na.
10 Karonn ranantlem dor ek zonvar mhojem zaun asa,Hozaramnim porvotam voilim zonvaram pasun mhojinch zaun asat.
11 Porvota voilea dor eka suknnea vixim mhaka khobor asa,Ani moidanam voilim mezunk zainant tim zonvaram pasun mhojinch.
12 Hanv bhukelʼlom zalear hanv tuka sangchom naslom,Karonn pik dita ti zomin ani tantunt asa tem soglem mhojench.
13 Hanv boilanchem mas khatolom kai,Ani bokddeanchem rogot pietolom kai?
14 Devache upkar attoi, hench tujem bolidan zaun asa,Ani Bhov Vortea Devak tunvem kelʼleo angvonneo pall.
15 Sonkoxttachea vellar mhaka ulo mar,Hanv tuka vanchoitolom ani tum mhoji mhoima kortolo.”
16 Punn Dev noxtteak mhunnttolo:
“Mhojea nem-kaideam vixim sangonk,Vo mhojea korara vixim ulounk tuka koslo hokʼk asa?
17 Karonn tum xisticho* dves korta,Ani mhojim utram kednanch aikon ghena.
18 Tum chorak polloita tednam, taka maniotai dita,*Ani pordvar korpeam vangdda tum sangat dovorta.
19 Tum tujem tondd uzar korun vaitt asa tem posraita,Ani tuji jib tum fosounk uzar korta.
20 Tum boson tujea svotachea bhava add uloita,Tujea avoichea putacheo chuki tum dakhoun dita.*
21 Tunvem heo vostu keleo tednam hanv vogi ravlom.
Tor hanv tujeach sarkom asam mhunn tunvem chintlem,Punn atam hanv tuka sudhraitolom,Ani hanv tujea add kes kortolom.
22 Devak visortoleamno, upkar korun hea vixim bariksannen chintat,Na zalear, hanv tumche pinzun kuddkean-kuddke kortolom ani mhojea hatantlean tumkam vanchounk konnuch aschona.
23 Zo mhojea pasot ek bolidan mhunn mhoje upkar attoita, to mhaka mhoima dita,Ani zo konn sarkem tem korit ravta,Hanv taka taronn ditam tem to polloitolo.”
