Stotr 57:1-11

  • Doie pasot magnnem

    • Devachea pakhotteam khala asro ghevop (1)

    • Dusman apleach fasant sampoddttat (6)

Mukhel songitkarak; “Nas Zaunk Dinaka” hea surar gaunchem. Davidachem git. Miktam.* Hem git tea vella voilem jednam David Saulu thaun pollon vochon dholint liplolo. 57  Mhaka doia dakhoi Deva, mhaka doia dakhoi,Karonn hanv tujea thaim asro ghetam,Mhoje tras soron vochom poriant hanv tujea pakhotteanchea savllent asro ghetam.  2  Hanv Bhov Vortea Devak ulo martam,Khorea Devak ulo martam, zo mhoje tras kabar korta.  3  To sorgar thaun modot dhaddttolo ani mhaka salvar kortolo. Mhojer akromonn kortat* tancheo ievzonneo to fiskottaun uddoitolo. (Selah) Dev aplo visvaxi mog ani visvaxiponn dakhoitolo.  4  Xinv mhaka gherav ghalun asat,Mhaka oslea munxam modem nhidcho poddtta, je mhaka pinzun khaunk sodhtat,Zanche dant, bhaleam ani bannam sarke asat,Ani zanchi jib, dharechea tolvari sarki asa.  5  Deva, tujem vorteponn mollba poros unch asa,Akʼkhe prithumer tuji mhoima zaum.  6  Mhojea paim-ank tannim zall manddlea,Dukhak lagon hanv bagovlam. Tannim mhojea vatter fondd khonnlo,Punn te svota tantunt poddle. (Selah)  7  Deva, mhojem kalliz thir asa,Mhojem kalliz thir asa. Hanv git gaitolom ani songit vazoitolom.  8  Mhojea kallza,* utth. Tar aslolea sadhona ani kinore,* tumi pasun utthat. Hanv fantoddek utthoitolom.*  9  Jehova Deva, veg-vegllea desantlea lokam modem hanv tuji vakhannʼnni kortolom,Raxttram modem hanv tuji vakhannʼnni korunk gitam gaitolom.* 10  Karonn tuzo visvaxi mog vorto asa, to mollba itlo unch asa,Ani tujem visvaxiponn mollba poriant pavta. 11  Deva, tujem vorteponn mollba poros unch asa,Akʼkhe prithumer tuji mhoima zaum.

Footnotes

^ Xobdhkox polloi.
^ Vo “Mhaka khaunk ietat.”
^ Utran utor, “mhoime.”
^ Hi ek vazoupachi vost jika gitara bhaxen tar astat, punn ticho akar gitara bhaxen na. Inglez bhaxent “harp.”
^ Vo “Hanv begin uttʼttholom.”
^ Vo “gitam gaun songitachim sadhonam vazoitolom.”

Copyrights for this publication