Stotr 12:1-8
-
Jehova panvl gheunk uttʼttha
-
Devachim utram xudʼdh asat (6)
-
Mukhel songitkarak; hem git tar aslolem sadhon vazoun Sheminith* surar gaunchem. Davidachem songit.
12 Jehova Deva, mhaka salvar kor, karonn visvaxi munis anik uronk na.
Visvas dovorpa sarke lok munxam modle nanch zaleat.
2 Sogle eka-meka lagim fott uloitat,Tanchea utramnim* te dusreank fuloitat ani fosoitat.*
3 Dusreank fuloitat tanche vontt,Ani vhoddleo-vhoddleo boddaio martat tancheo jibo Jehova katrun uddoitolo.
4 Te mhunntta: “Ami amchea jiben jikhtole.
Amchea vonttamnim amkam zai tem uloitole,Amcher dhoniponn choloupi konn asa?”
5 Jehova mhunntta: “Koxtt-dukh sostoleancher zulum zata,Gorib haskar-suskar soddtta,Taka lagon hanv panvl ghetolom.
Je tankam kainch valor naslolea bhaxen lekhtat, tanchea thaun hanv tankam vanchoitolom.”
6 Jehovachim utram xudʼdh asat,Matiechea bhottʼttent* xudʼdh kelʼlea chandi bhaxen tankam sat pavtti xudʼdh keleant.
7 Jehova Deva, tum tankam samballttolo,Tum tanchea modlea dor ekleak hea pillge thaun sasnak poriant rakhtolo.
8 Noxtte ukteponnim sogleak bhonvtat,Karonn munxache put lojechea kamank urba ditat.
