Stotr 13:1-6
Mukhel songitkar. Davidachem songit.
13 Jehova Deva, kednam poriant tum mhaka visortolo? Sasnak poriant?
Kednam poriant tum tujem tondd mhojea thaun lipoitolo?
2 Dor disa mhojea kallzant dukh gheun,Mhaka kednam poriant usko korit ravonk poddttolem?
Kednam poriant mhozo dusman mhojer zoit melloit ravtolo?
3 Jehova mhojea Deva, mhaka polloi, ani mhaka zobab di.
Mhojea dolleank uzvadd di, jea vorvim hanv mornnache nhident nhidchom na,
4 Ani mhozo dusman oxem mhunnonk pavchona: “Hanvem taka haroilo!”
Hanv poddlom dekhun, mhozo virodh kortoleank khuxal zaunk dium naka.
5 Mhaka zalear, tujea visvaxi mogacher visvas asa,Tujea taronn diupachea kamank lagon mhojem kalliz khuxalbhorit zatolem.
6 Hanv Jehova pasot git gaitolom, karonn tannem mhaka bhorpur besanvamnim bhorla.
