Stotr 30:1-12
-
Roddnnem khuxalkaient bodolʼlem
-
Devachi maniotai jivitbhor urta (5)
-
Davidachem songit. Ghorachem udgattonachem git.
30 Jehova Deva hanv tuji vhoddvik kortolom, karonn tunvem mhaka voir ubarla,*Tunvem mhojea dusmanank mhojer hansonk sondhi diunk na.
2 Jehova mhojea Deva, hanvem modoti pasot tuka ulo marlo ani tunvem mhaka boro kelo.
3 Jehova Deva, tunvem mhaka Fonddantlo* voir kaddlo.
Tunvem mhaka jivo dovorlo, ani hanv fonddant voicho nhoi mhunn tunvem mhaka vanchoilo.
4 Jehovachea visvaxi lokamno, tachi vakhannʼnni korun gitam gaiat,*Tachea povitr nanvachi* stuti korat,
5 Karonn tacho rag ekach khinnacho,Punn tachi maniotai* jivitbhor urta.
Sanjechea vellar roddonk poddlem zalear pasun, sokallim khuxalkaien zoizoikar zatolo.
6 Mhaka koslech tras nasle tednam hanvem mhunnttlem:
“Mhaka konnuch halounk xokchona.”*
7 Jehova Deva, mhojer tuji maniotai asli tednam tunvem mhaka porvota bhaxen ghott kelo.
Punn tunvem mhojea thaun tujem tondd lipoilem tednam, hanv samko bhielom.
8 Jehova Deva, hanv tuka ulo marit ravlom,Jehovachi maniotai gheunk hanv tachea lagim vinoti korit ravlom.
9 Hanv melom zalear, hanv fonddant gelom zalear, kitem-i faido zatolo kai?
Dhulʼl tuji vakhannʼnni kortoli kai? Tujea visvaxiponna vixim sangtoli kai?
10 Jehova Deva, mhojem magnnem aik, ani mhoji kakut kor.
Jehova Deva, mhozo modot korpi zav.
11 Tunvem mhojem roddnnem khuxalkaient* bodolʼlam,Hanvem ghatlole sakache kopdde kaddun tunvem mhaka sontosache kopdde ghatleat,
12 Hanvem* vogi ravcho nhoi, punn tujea pasot vakhannʼnnechim gitam gaunchim mhunn tunvem oxem kelem.
Jehova mhojea Deva, hanv sodankal tuji vakhannʼnni kortolom.
