Stotr 34:1-22
Davidachem git. Hem git tannem tea vellar boroilʼlem jednam tannem Abimeleka mukhar piso zaunchem dhong kelʼlem ani Abimelekan taka dhanvddaun ghatlolo.
א [Aleph]
34 Hanv soglea vellar Jehovachi vakhannʼnni kortolom,Tachi vakhannʼnni sodanch mhojea vonttancher astoli.
ב [Beth]
2 Hanv Jehova vixim boddai martolom,Khalte lok aikotole ani khuxal zatole.
ג [Gimel]
3 Mhojea sangata mellon Jehovachi mhoima korat,Sangata mellon tachea nanvachi vhoddvik korum-ia.
ד [Daleth]
4 Hanvem Jehova lagim magnnem kelem ani tannem mhaka zobab dilo.
Tannem mhaka mhojea soglea torechea bhiranti thaun vanchoilo.
ה [He]
5 Jim tacher patieun ravlim tanchim tonddam porzollʼllim,Tankam lojek ghalunk zaunk na.
ז [Zayin]
6 Adar naslolea hea munxan ulo marlo ani Jehovan aikolem.
Tannem taka tachea soglea sonkoxttantlean salvar kelo.
ח [Heth]
7 Jehovachi bhirant dhortoleank tacho* dut rakhta,*Ani to tankam vanchoita.
ט [Teth]
8 Jehova kitlo boro tem chakun polloiat,Tachea thaim asro sodhta to munis khuxal.
י [Yod]
9 Jehovachea soglea povitr lokamno, tachi bhirant dhorat,Karonn tachi bhirant dhortat tankam kainch unnem na.
כ [Kaph]
10 Xoktivont tornatte xinv pasun upaxim urtat,Punn Jehovak sodhtat tankam borem kainch unnem zaunchem na.
ל [Lamed]
11 Mhojea putamno, ieiat ani mhojem aikat,Jehovachi bhirant dhorop mhunnttlear kitem tem hanv tumkam xikoitolom.
מ [Mem]
12 Tumchea modlo konn, khuxalkaiechem jivit jieunk sodhtaAni zaite bore dis pollounk axeta?
נ [Nun]
13 Toxem zalear tumi tumchi jib vaitta thaun rakhat,Tumchea tonddantlean naddbudʼdhechim utram ieunk dinakat.
ס [Samekh]
14 Vaitta thaun pois ravat ani borem tem korat,Xanti sodhat ani ti melloun gheuncho proitn korat.
ע [Ayin]
15 Jehovachi nodor nitivont lokancher asa,Ani modoti pasot tannim marlolo ulo to aikota.
פ [Pe]
16 Punn Jehova vaitt kortat tanchea add asa,Tancho ugddas pasun iena tea toren to tancho purnn toren nas korun uddoitolo.
צ [Tsade]
17 Tannim ulo marlo ani Jehovan aikolem,Tannem tankam tanchea soglea sonkoxttantlean vanchoile.
ק [Qoph]
18 Zanchem kalliz tunttlam, tankam Jehova lagim asa,Ani zanchem mon dukhovlam,* tankam to salvar korta.
19 Nitivont munxacher zaite tras* ietat,Punn Jehova taka tea soglea trasam thaun vanchoita.
ש [Shin]
20 To tachim soglim haddam rakhta,Tachem ekui hadd moddonk na.
ת [Taw]
21 Sonkoxtt noxtteacher moronn haddttolem,Nitivontacho dves kortat te guneanvkari zatole.
22 Jehova aplea sevokancho jiv salvar korta,Tachea thaim asro ghetat tanchea modlo konnuch guneanvkari zaunchona.
