Stotr 135:1-21
135 Jah-k vakhannat!*
Jehovachea nanvachi vakhannʼnni korat,Jehovachea sevokamno, tachi vakhannʼnni korat,
2 Tumi je Jehovachea ghorant ube ravtat,Tumi je amchea Devachea angnnamnim ube ravtat, tachi vakhannʼnni korat.
3 Jah-k vakhannat, karonn Jehova boro.
Tachea nanvachi vakhannʼnni korun gitam gaiat,* karonn tem nanv sobit asa.
4 Jah-n aplea pasot Jakobak vinchla,Izraelak apli khas porza* zaunk vinchla.
5 Karonn Jehova vorto mhunn hanv bore bhaxen zannam,Amcho Dhoni soglea Devam poros vorto asa.
6 Mollbar ani prithumer, doriant ani tachea soglea kholaient,Jehova apleak zai tem soglem korta.
7 Prithumechea konnxea-konnxeam thaun to kupam voir choddoita.*
Pausa pasot to zoglam dhaddtta,*Aplea gudanvantlean to vadoll bhair haddtta.
8 Tannem Ejipttachea poilea putank,Ani zonvarachea poilea porank marun uddoile.
9 Ejiptta, tannem tujea modem khunna ani vizmitam kelim,Faraoh-chea ani tachea soglea sevokam add tim kelim.
10 Tannem zaitea raxttrancho nas kelo,Ani xoktivont razank marun uddoile.
11 Amoritkarancho raza Sihonak,Bashanacho raza Ogak,Ani Kananachea soglea rajeank haroilim.
12 Tannem tancho des daiz mhunn dilo,Izraelak, aplea lokank daiz mhunn dilo.
13 Jehova Deva, tujem nanv sasnak urta.
Jehova Deva, tuzo ugddas* pillgean-pillgi poriant urta.
14 Jehova aplea lokam vatten uloitolo,Ani to aplea sevokank doia-maia dakhoitolo.*
15 Raxttrancheo murteo chandicheo ani bhangracheo,Munxamnim aplea hatamnim ghoddloleo.
16 Tankam tondd asa, punn tanchean ulounk zaina,Dolle asat, punn teo pollounk xokonant.
17 Tankam kan asat, punn teo aikonk xokonant.
Tanchea tonddant kainch svas na.
18 Tankam toiar kortat te, toxench tancher visvas dovortat te sogle lok,Tancheach bhaxen zatole.
19 Izraelachea ghorannea, Jehovachi vakhannʼnni kor.
Aronachea ghorannea, Jehovachi vakhannʼnni kor.
20 Levichea ghorannea, Jehovachi vakhannʼnni kor.
Jehovachi bhirant dhortoleamno, Jehovachi vakhannʼnni korat.
21 Siona thaun, Jehovachi vakhannʼnni zaum,Jeruzalemant ravtolea Devachi vakhannʼnni zaum.
Jah-k vakhannat!
