Stotr 4:1-8

  • Jehovacher visvas dovorchea vixim magnnem

    • “Tuka rag ieta tednam, patok korina zaunk chotrai dhor” (4)

    • ‘Hanv sust nhidtolom’ (8)

Mukhel songitkarak; hem git tar aslolem sadhon vazoun gaunchem. Davidachem songit. 4  Mhojea nitivont Deva, hanv ulo martam tednam mhaka zobab di. Mhojer sonkoxtt ietat tednam mhaka pollon vochonk vatt ukti kor. Mhaka doia dakhoi ani mhojem magnnem aik.  2  Munxachea putamno, tumi kednam poriant mhaka man diunchea bodlek mhozo opman kortole? Tumi kednam poriant valor naslolea vostuncho mog kortole ani khotteo vostu sodhtole? (Selah)  3  Zannam zaiat, apleak visvaxi ravtolea sangata Jehova khas toren vagta,*Hanv Jehovak ulo martolom tednam to mhojem aikotolo.  4  Tuka rag ieta tednam, patok korina zaunk chotrai dhor. Tumchea khattir astana monantuch* chintat ani xant ravat. (Selah)  5  Nitivontponnachim bolidanam bhettoiat,Ani Jehovacher visvas dovrat.  6  Zaitim zannam mhunnttat: “Konn amkam bore dis dakhoitolo?” Jehova Deva, tujea mukhamollacho* uzvadd amcher fankom-di.  7  Tunvem mhojem kalliz khuxalkaien bhorlam. Zanchea lagim bhorpur daneachi pikavoll ani novo drakxancho soro asta tanchea poros chodd tunvem mhaka khuxalkai dilea.  8  Hanv add poddon sust nhidtolom,Karonn Jehova Deva, tum ekloch mhaka surokxit dovorta.

Footnotes

^ Vo “ravtoleak Jehova manan lekhta; ravtoleak Jehova aplea pasot kuxin kaddun dovorta.”
^ Vo “tum tujim utram tujea kallzantuch dovor.”
^ Vo “tonddacho.”

Copyrights for this publication