Stotr 114:1-8
114 Jednam Izrael Ejipttantlean bhair sorlo,Jednam Jakobachem ghorannem porki bhas uloupi lokam modlem bhair sorlem,
2 Tednam Juda tacho povitr zago zalo,Izrael tachem raj zalem.
3 Dorian tem polloilem ani to pollon gelo,Ani Jordan Nhoim vollon, porte vatten vhanvonk lagli.
4 Porvot menddram bhaxen uddio marunk lagle,Ani dongor menddruleam bhaxen uddio marunk lagle.
5 Doria, tum kiteak pollon gelo?
Jordan Nhoim-e, tum vollon porte vatten kiteak vhanvonk lagli?
6 Porvotamno, tumi menddram bhaxen kiteak uddio marunk lagle?
Dongramno, tumi menddruleam bhaxen kiteak uddio marunk lagle?
7 Prithume, Dhoniak lagon,Jakobachea Devak lagon thorthoronk lag,
8 To khoddpak tollem* korta,Ani ghott khoddpak* udkacheo zhori korta.
