Stotr 64:1-10
-
Lipon kelʼlea akromonnam thaun rakhonn
-
“Dev tancher bann soddttolo” (7)
-
Mukhel songitkarak. Davidachem songit.
64 Deva, hanv vinoti kortam tednam mhojem aik.
Dusman bhirankull ritin mhojer akromonn korta tednam mhojea jivachi rakhonn kor.
2 Noxttea munxamnim kelʼlea gupit manddnneam thaun,Ani vaitt kortoleanchea zomea thaun mhaka vanchoi.
3 Tolvari bhaxen te aple jibek dhar kaddttat,Dukhoita toslim utram te bannam bhaxen mokhunk toiar asat.
4 Aplea lipʼpachea zagear thaun niropradeacher bann marunk te oxem kortat,Bhienastana okosmat te tacher bann martat.
5 Te aplo vaitt hetu soddun dinant,*Aple fas koxe lipoun dovorche tea vixim te eka-meka lagim uloitat.
Te mhunnttat: “Tankam konn polloitolo?”
6 Vaitt korcheo noveo-noveo vatto te sodhun kaddttat,Guptim te chotraien manddnneo kortat,Tanchea kallzant kitem asa tem somzop kotthin.
7 Punn Dev tancher bann soddttolo,Eka bannak lagon tankam okosmat mar lagtolo.
8 Tanche svotache jibek lagon te poddttole,Tankam polloitat te sogle thottakun apli tokli haloitole.
9 Tednam sogle munis bhietole,Ani Devan kitem kelam tea vixim te kolloitole.
Ani tachea kamam vixim tankam kholaiechi somjikai astoli.
10 Nitivont munis Jehovak lagon sontosbhorit zatolo ani tachea thaim asro ghetolo.
Promannik kallzache sogle lok khuxal zatole.*
