Stotr 62:1-12
Mukhel songitkarak; Jeduthunachem.* Davidachem songit.
62 Khorench, hanv xant ravon Devachi vatt polloit ravtolom.
Mhojem taronn tache koddlean ieta.
2 Khorench, to mhojem khoddop, mhaka taronn diupi ani mhozo surokxit asro,*Hanv halʼlear pasun, hanv kednanch poddchom na.
3 Eka munxak jivexim marunk, tumi kednam poriant taka marcho proitn korit ravtole?
Tumi sogle tea bagovlolea vontti sarke, kosllonk pavlolea fatrachea vontti sarke asat, ji dhokeachi asa.*
4 Taka voile podver thaun sokol uddounk te eka-meka lagim uloun ievzonneo kortat,Tankam fott marunk avoddtta.
Aplea tonddan te besanv ditat, punn bhitorlean te xirap ditat. (Selah)
5 Khorench, hanv xant ravon Devachi vatt polloit ravtolom,Karonn mhozo bhorvonso tache koddlean ieta.
6 Khorench, to mhojem khoddop, mhaka taronn diupi ani mhozo surokxit asro,Hanv kednanch halchom na.
7 Mhojem taronn ani mhoji mhoima Devacheruch tharloli asa.
Dev mhojem ghott khoddop zaun asa, to mhozo asro.
8 Lokamno, soglea vellar tacher visvas dovrat.
Tachea mukhar tumchea kallzant asa tem votoiat.
Dev amchea pasot ek asro. (Selah)
9 Munxache put fokot ek svas,Munxakullache put fokot ek sopon koxe.
Tankam sogleank sangata zokhtat tednam, tanchem vozon svasa poros unnem asa.
10 Luttun tumkam ies mellttolem mhunn chintinakat,Vo chori korun mellʼllolea vostuncher bhorvonso dovornakat.
Tumchi girestkai vaddtta zalear, tacher tumchem kalliz dovornakat.
11 Hanvem ek pavtti nhoi, punn don pavtti Dev oxem mhunntta tem aikolem:
Boll Devachem zaun asa.
12 Jehova Deva, visvaxi mog pasun tuzoch,Karonn dor ekleak tum tachea kamam pormonnem farik korta.
