Stotr 83:1-18
Ek git. Asafachem songit.
83 Deva, vogi ravonaka,Povitr Deva, uloinastana ravonaka vo xant ravonaka.
2 Karonn polloi! tuje dusman uchamboll zaleat,Tuzo dves kortat te gorvan vagtat.*
3 Te naddbudʼdhen tujea lokam add guptim manddnneo kortat,Tuka je khas asat, tanchea add* te vaitt ievzonneo kortat.
4 Te mhunnttat: “Ieiat, ami Izrael raxttrachem nisontton korum-ia,Jea vorvim tachem nanv anik konnank ugddas urchem na.”
5 Te sogle ekvottan ievzonn kortat,*Tannim tuzo virodh korunk eka-meka sangata ixttagot kelea—
6 Edom ani Ishmaelitkaranche tombu, Moab ani Hagarachi sonsot,
7 Gebal, Amon ani Amelek,Toxench Filistia ani Tirant ravpi lok.
8 Asiria pasun tanchea sangata mellon asa,Te Lotachea putank tenko ditat.* (Selah)
9 Tunvem Midianak kelʼlem toxench tankam kor,Kishonachea vhalla* lagim tunvem Sisera ani Jabinak kelʼlem toxench tankam kor.
10 Endorant tanchem nisontton zalʼlem,Te zomni pasot sarem koxe zale.
11 Tanchea vhoddlea odhikareank Oreb ani Zieba bhaxen kor,Ani tanchea kunvrank* Zeba ani Zalmuna bhaxen kor,
12 Karonn tannim mhunnttlem: “Dev ravta tea desacher ami kobzo korum-ia.”
13 Mhojea Deva, tankam suklolea ranvotti zhadda bhaxen kor,*Varean ubon voita toslea sukea tonna bhaxen kor.
14 Uzo zoso ran lasoun uddoita,Ujeachem agttem zoxem porvot hulpaun uddoita,
15 Toso tum vadoll dhaddun tanchea fattik lagom,Ani tujea vadollachea varean tancher bhirant ghalum.
16 Opmanan tanchim tonddam dhampun uddoi,*Jea vorvim Jehova Deva tim tujem nanv sodhunk lagtolim.
17 Tankam sodankal loz zaum ani tancher bhirant ieum,Tim lojek poddom ani tancho nas zaum,
18 Lokank kollom-di ki tum, zachem nanv Jehova,Tum ekloch akʼkhea prithumer Bhov Vorto Dev zaun asa.
Footnotes
^ Vo “te apleo tokleo voir kaddttat.”
^ Utran utor, “Tujea lipoilolea lokam add.”
^ Utran utor, “sogle ek monache zaun eka-mekacho solʼlo ghetat.”
^ Utran utor, “hat zaleat.”
^ Vo “wadi.”
^ Vo “fuddareank.”
^ Vo “tankam oronnʼnneant hanga-thoim gunvtolea suklolea zhadda bhaxen kor.”
^ Utran utor, “bhor.”
