Stotr 21:1-13

  • Jehovacher visvas dovortolea razak besanvam

    • Razak lamb jivit dilem (4)

    • Devachea dusmanank haroitole (8-12)

Mukhel songitkar. Davidachem songit. 21  Jehova Deva, tujea bollak lagon raza sontosta,Tujea taronn diupi kamank lagon to khub khuxal zata!  2  Tunvem tachea kallzache anvdde purnn keleat,Ani tachea vonttanchi vinoti tunvem nakarunk na. (Selah)  3  Karonn tum taka bhorpur besanvam dita,Tum tachea mathear xudʼdh* bhangracho mukutt dovorta.  4  Tannem tujea lagim jivit maglem ani tunvem taka tem dilem,Tunvem taka lamb jivit, sasnachem jivit dilem.  5  Tujea taronn diupachea kamank lagon taka vorti mhoima melltta. Tum taka man ani vorteponn dita.  6  Taka sodankal tuje koddlean besanvam mellttolim. Tum tachea sangata ravon taka khuxalkai dita.  7  Karonn raza, Jehovacher visvas dovorta,Bhov Vortea Devachea visvaxi mogak lagon to kednanch halchona.*  8  Tuje hat, tujea soglea dusmanank dhortole,Tuzo uzvo hat, tuzo dves kortoleank dhortolo.  9  Tharailʼlea vellar tum tancher dhean ditolo ani tankam zolltta tea bhottʼtte bhaxen kortolo. Jehova tankam aplea krodhan gillun uddoitolo, ani uzo tancho bhosm kortolo. 10  Tum prithume voilea tanchea pillgecho,*Ani munxachea putam modlea tanchea sonsticho nas korun uddoitolo. 11  Karonn tannim tujea add vaitt korunk chintlem,Tannim tujea add manddnneo keleat, punn tankam ies mellchem na. 12  Karonn tum tancher* dhonucho nixano lavun,Tankam pollon vochom-xe kortolo. 13  Jehova Deva, tujea bollan utth.* Ami tujea xoktechi vakhannʼnni korunk gitam gaitolim.*

Footnotes

^ Vo “borea.”
^ Vo “lokchona.”
^ Utran utor, “follacho.”
^ Utran utor, “tanchea tonddar.”
^ Vo “panvl ghe.”
^ Utran utor, “gitam gaitolim ani songitachim sadhonam vazoitolim.”

Copyrights for this publication